Qazaqstandyq kásipkerler men taýar óndirýshiler svoyzavod.kz saitynda jańa óndirister qurý baǵdarlamasyna qatysa alady. Bul týraly «Samuryq-Qazyna» ulttyq ál-aýqat qory» AQ Basqarma tóraǵasynyń orynbasary Álisher Pirmetov málimdedi, dep habarlaidy QazAqparat.
Samruk Akparat alańynda ótken onlain brifingte spiker jańa óndiris baǵdarlamalaryn qoldaý maqsatynda svoyzavod.kz saity ashylǵanyn habarlady. Bul saitta qazaqstandyq kásipkerler men taýar óndirýshiler jańa óndiris qurý baǵdarlamasyna qatysýǵa ótinim bere alady.
Saitty paidalanýshy eki baǵyt boiynsha ótinim bere alady: eger taýar alańda bolsa, ótinishterdiń úlgisin kóshirip alyp, off-teik sharttar jasasý úshin ótinim jasaý qajet.
Al eger taýar alańda bolmasa nemese elde óndiris balamasy bolmasa, úlgini júktep alyp, importty almastyrýdy qosý ótinimin tirkeý qajet.
«Sonymen birge, saitqa kirýshi usynylǵan bólimderde kompaniialar toby qajet etip otyrǵan taýarlar alańy týraly, off-teik kelisimsharty mehanizmi týraly aqparatty zerdelei alady jáne jii qoiylatyn suraqtarǵa jaýap jáne júzege asyrylǵan jobalar týraly aqparat ala alady», - dep túsindirdi «Samuryq-Qazyna» UÁQ» AQ baspasóz ortalyǵynyń jetekshisi Aigúl Qasenova.
