Qazaqstan Úkimetiniń qaýlysymen Halyqaralyq týrizm jáne qonaqjailyq ýniversiteti quryldy, dep habarlaidy Sputnik Qazaqstan.
Bul týraly Úkimettiń 2019 jylǵy 20 naýryzdaǵy qaýlysynda aitylǵan.
"Jarǵylyq kapitalyna memleket júz paiyz qatysatyn "Halyqaralyq týrizm jáne qonaqjailyq ýniversiteti" kommertsiialyq emes aktsionerlik qoǵamy qurylsyn", - delingen qujatta.
Joǵary oqý ornynyń negizgi qyzmeti –joǵary jáne joǵary oqý ornynan keiingi, tehnikalyq jáne kásiptik salada bilim berý qyzmetterin usyný, praktikada ǵylymi ázirlemeler engizý.
Qaýly qol qoiylǵan kúnnen bastap kúshine enedi.
Aita ketsek, byltyr kúzde mádeniet jáne sport ministri Arystanbek Muhamediuly týrizm salasynda bilikti mamandar daiarlaý úshin elordada Halyqaralyq týrizm jáne qonaqjailyq ýniversiteti ashylatynyn aitqan edi.
Ýniversitettiń oqytý júiesine álemdegi eń úzdik Avstriiadaǵy Zaltsbýrg mektebi, AQSh-taǵy Vashington ýniversiteti, BAÁ, Shveitsariiadaǵy bilim mekemeleri, Gonkongtaǵy týrizm menedjmenti joǵary mektebiniń tájiriibeleri engizilmek. Al túlekterine halyqaralyq dárejedegi diplom beriledi.
