Memleket azamattarǵa Ekinshi deńgeidegi bankterdiń paiyzdyq mólsherlemesiniń bir bóligin tóleýdi josparlap otyrǵan jańa ipoteka 2023 jyldyń ekinshi toqsanyna aýystyryldy. Qarjy ministrligi Respýblikalyq biýdjetti qalyptastyrý kezinde berilgen biýdjettik ótinimdi qabyldamady. Bul týraly QR Indýstriia jáne infraqurylymdyq damý ministrligi Krisha.kz saýalyna bergen jaýabynda habarlady, - dep habarlaidy Tengrinews.kz agenttigi.
2023-2025 jyldarǵa arnalǵan respýblikalyq biýdjetti qalyptastyrý kezinde ipotekalyq turǵyn úi qaryzdary boiynsha syiaqy mólsherlemesiniń bir bóligin óteýge sýbsidiialar berý úshin Qarjy ministrligine 24,5 milliard teńge somasyna biýdjettik ótinim jiberildi.
Alaida qarjy ministrligi ótinimdi qoldamady. Ótinim 2023 jyly respýblikalyq biýdjetti naqtylaý kezinde qaita usynylady. Vedomstvo málimetinshe, eger ótinim qoldaý tapsa, sýbsidiialaý mehanizmin iske qosý 2023 jyldyń ekinshi toqsanynda josparlanyp jatyr.
Esterińizge sala keteiik, "jańa ipotekany" sýbsidiialaý biyl kóktemde 12 paiyzdyq tómendetilgen mólsherlememen orta tapqa arnalǵan baǵdarlama retinde usynylǵan bolatyn.
Ipotekanyń alǵysharttary:
- Nesieleý merzimi - 20 jylǵa deiin.
- Bastapqy jarna - satyp alynatyn turǵyn úi qunynyń keminde 20 paiyzy.
- Maqsaty - "Qazaqstan turǵyn úi kompaniiasy" AQ kepildigimen salynǵan nemese salynyp jatqan turǵyn úidi satyp alý.
- Nesieniń maksimal somasy:- Astana men Almatyda - 35 million teńgege deiin;- Aqtaý, Atyraý, Shymkent - 25 million teńgege deiin;- Qaraǵandy - 20 million teńgege deiin;- basqa óńirlerde - 15 million teńgege deiin.
