"Astana" halyqaralyq qarjy qorynyń basshysy Qairat Kelimbetov Qazaqstanda jańa birja paida bolatynyn málimdedi, - dep habarlaidy "Ult aqparat" kaz.tengrinews.kz portalyna silteme jasap.
"2017 jyldyń 1 qyrkúieginen jańa joǵary tehnologiialyq birja ashylady. Osy birjada "Samruq-Qazyna" kompaniiasyn jekeshelendirý júretin bolady. Al "Samruq-Qazyna" kompaniiasy - elimizdegi JIÓ-niń 40 paiyzyn quraidy. Kelesi jyly búkil postkeńestik aýmaqta sot júiesiniń ortalyǵyna ainalatyn jańa táýelsiz qarjylyq sot, jańa arbitrajdy ortalyq qurylýy tiis", - dedi Kelimbetov ASTEX Astana Smart City halyqaralyq forým-kórme barysynda.
Sonymen birge, ol 2017 jyldyń 1 maýsymynan bastap, kompaniialardy tirkeý bastalatynyn aitty.
"2017 jyldyń 1 shildesinen Halyqaralyq qarjy ortalyǵynyń qatysýshysy bolatyn kompaniialardy tirkeýdi bastaimyz dep josparlap otyrmyz. Olar tegin jeńildikter alady, ol jeńildetilgen, vizalyq jáne eńbektik rejim, 50 jylǵa salyqtan bosatý, eger olar profildi qyzmet túrlerimen ainalyssa", - dep atap ótti qor jetekshisi.
Eske salaiyq, 2015 jyldyń 2 qarashasynda Qairat Kelimbetov Ulttyq bank tóraǵasy qyzmetinen ketken bolatyn. 2015 jyldyń jeltoqsan aiynda ol "Astana" halyqaralyq qarjy qorynyń basshysy bolyp taǵaiyndaldy.
.jpeg)