Qazaqstanda biyl birinshi toqsanda jańa avtokólikter satylymy ótken jylmen salystyrǵanda 8 paiyzǵa tómendedi, dep habarlaidySputnik Qazaqstan.
Elde sáýir aiynda jańa kólikter satylymy 8,9 paiyzǵa azaiǵan. Jalpy sany 9 212 jeńil avtomobil men kommertsiialyq tehnika satyldy.
Qazaqstannyń avtobiznes qaýymdastyǵynyń málimetinshe, sońǵy ýaqytta kólik importtaýshylary tarapynan báseńdik baiqalady. Soǵan qaramastan alǵashqy tórt aidyń satý kórsetkishi - 31 582 kólik. Bul - ótken jyldyń dál osy kezeńimen salystyrǵanda 8 paiyzǵa tómen.
Úsh ai úzilisten soń satylym kórsetkishi boiynsha úzdik brend bestigin Chevrolet bastap tur - 3004 dana (ótken jyldyń sáýir aiymen salystyrǵanda +13,3%). Ekinshi orynda Hyundai – 1 802 avtokólik (- 21,7%), úshinshi orynda Kia – 968 dana (+27,2%).
Toyota brendi 3 950 dana (-23%) avtokólik satyp, tórtinshi orynnan kórinse, úzdik bestikti Lada aiaqtap tur – 798 dana (+98%) .
2022 jyldyń sáýir aiynda eń kóp satylǵan avtokólikter:
Chevrolet Cobalt – 2111 dana;
Hyundai Elantra – 468 dana;
Kia Sorento – 442 dana;
Chevrolet Nexia – 418 dana;
Hyundai Sonata – 376 dana;
Toyota Camry – 349 dana;
Lada Granta – 329 dana;
Hyundai Accent – 275 dana;
Kia Rio – 232 dana;
Hyundai Santa Fe – 195 dana.
