Qazaqstanda 2020 jyly jalǵan aqshalar kólemi 38%-ǵa azaidy jáne 823 jalǵan banknot pen monetany qurady. Bul týraly Ulttyq banktiń banknottar men monetalarǵa saraptama jasaý basqarmasynyń basshysy Ashat Ábishev málim etti, dep habarlaidy "Ult aqparat".
«Tómendeýge áser etken negizgi sebep – qazirgi karantindik sharalar men shekteýler, óitkeni qoldan aqsha jasaityndar ádette jalǵan aqshany bazarlarda, janarmai quiý beketterinde jáne shaǵyn azyq-túlik dúkenderinde ótkizip jiberedi. Qoldan kóp jasalatyn aqshaǵa 2 000 jáne 5 000 teńgelik banknottar jatady – sáikesinshe, jalpy kólemniń 42,5% jáne 37,6%», - dedi Ulttyq bank ókili.
Jalǵan banknottardyń basym bóligi Almaty qalasynda anyqtaldy – 554 nemese 67,3%7.
Aita keteiik, Qazaqstan Ulttyq bankiniń jalǵan banknottary men monetalaryn ótkizý maqsatynda daiyndaý nemese saqtaý, múlkin tárkileýmen nemese 5 jyldan 12 jylǵa deiingi merzimge bas bostandyǵynan aiyrylýymen jazalanady.
