قازاقستاندا 2020 جىلى جالعان اقشالار كٶلەمٸ 38%-عا ازايدى جەنە 823 جالعان بانكنوت پەن مونەتانى قۇرادى. بۇل تۋرالى ۇلتتىق بانكتٸڭ بانكنوتتار مەن مونەتالارعا ساراپتاما جاساۋ باسقارماسىنىڭ باسشىسى اسحات ەبٸشەۆ مەلٸم ەتتٸ, دەپ حابارلايدى "ۇلت اقپارات".
«تٶمەندەۋگە ەسەر ەتكەن نەگٸزگٸ سەبەپ – قازٸرگٸ كارانتيندٸك شارالار مەن شەكتەۋلەر, ٶيتكەنٸ قولدان اقشا جاسايتىندار ەدەتتە جالعان اقشانى بازارلاردا, جانارماي قۇيۋ بەكەتتەرٸندە جەنە شاعىن ازىق-تٷلٸك دٷكەندەرٸندە ٶتكٸزٸپ جٸبەرەدٸ. قولدان كٶپ جاسالاتىن اقشاعا 2 000 جەنە 5 000 تەڭگەلٸك بانكنوتتار جاتادى – سەيكەسٸنشە, جالپى كٶلەمنٸڭ 42,5% جەنە 37,6%», - دەدٸ ۇلتتىق بانك ٶكٸلٸ.
جالعان بانكنوتتاردىڭ باسىم بٶلٸگٸ الماتى قالاسىندا انىقتالدى – 554 نەمەسە 67,3%7.
ايتا كەتەيٸك, قازاقستان ۇلتتىق بانكٸنٸڭ جالعان بانكنوتتارى مەن مونەتالارىن ٶتكٸزۋ ماقساتىندا دايىنداۋ نەمەسە ساقتاۋ, مٷلكٸن تەركٸلەۋمەن نەمەسە 5 جىلدان 12 جىلعا دەيٸنگٸ مەرزٸمگە باس بوستاندىعىنان ايىرىلۋىمەن جازالانادى.
