Qazaqstanda zeinetaqy jinaǵynyń jalpy somasy 10,7 trillion teńgege jetti, dep habarlaidy "Ult aqparat" «Biryńǵai jinaqtaýshy zeinetaqy qory» AQ baspasóz ortalyǵyna silteme jasap.
Jeke zeinetaqy shotynyń sany 10,6 mln asty. 2019 jylǵy 1 jeltoqsandaǵy jinalǵan zeinetaqy qarajatynyń jalpy somasy jyl basynan beri 14%-ǵa artyp, 10,7 trln teńgeni qurady.
Ósim dinamikasyn mindetti zeinetaqy jarnalary boiynsha baiqaýǵa bolady. Olardaǵy jinaqtaý somasy jyl basynan bastap 14% -ǵa artyp, 10,4 trln teńgeni nemese (97,7%) qurady.
Mindetti kásiptik zeinetaqy jarnalary boiynsha jinalǵan zeinetaqy qarajatynyń mólsheri 241,8 mlrd teńgeni (barlyq qarajattyń 2,3%) qurady, erikti zeinetaqy jarnalary boiynsha zeinetaqy qarajatynyń mólsheri 1,9 mlrd teńgeni (0,02%) qurady.
Mindetti zeinetaqy jarnalary (MZJ) boiynsha zeinetaqy jinaqtarynyń ortasha somasy 1,1 mln teńgeni qurady. Onyń ishinde erlerde — 1,2 mln teńge, áielderde — 933,4 myń teńge.
1998 jyldan bastap ai saiynǵy jarnasyn tólegen salymshylar arasynda jinaqtaýdyń ortasha mólsheri er adamdar úshin - 5,1 mln teńge, áielder úshin - 3,9 mln teńge boldy.
BJZQ-da eseptelgen taza investitsiialyq kiris jyl basynan beri 600,5 mlrd teńgeni qurady.
Jinaqtalǵan zeinetaqy qarajatynyń kirisi jyl basynan beri 6,16% -dy qurady, infliatsiia 4,7%. Ótken jyldyń sáikes kezeńimen salystyrǵanda 8,13%-dy qurady, infliatsiia - 5,4%.
