Foto: depositphotos.com
Qazaqstanda zeinetaqy men járdemaqy kóterildi, - dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
"1 qańtardan bastap memlekettik járdemaqynyń barlyq túri jáne bazalyq zeinetaqy tólemi QR Ulttyq Banki aiqyndaityn infliatsiianyń boljamdy deńgeiine sáikes 7%-ǵa, yntymaqty zeinetaqy 9%-ǵa, iaǵni infliatsiia deńgeiinen 2%-ǵa artyp kóterildi.
2024 jyly biýdjetten tólenetin jiyntyq zeinetaqynyń ortasha mólsheri (BJZQ tólemderin eseptemegende) 130 414 teńgeni quraidy (2023 jyly – 120 838 teńge).
Budan basqa, Memleket basshysynyń tapsyrmasy boiynsha 2023 jyldan bastap bes jyl ishinde eń tómen bazalyq zeinetaqyny eń tómen kúnkóris deńgeiiniń 70%-na deiin, eń joǵary – 120%-ǵa deiin jyl saiyn kezeń-kezeńimen arttyrý júzege asyrylady" - delingen habarlamada.
Máselen, 2024 jylǵy 1 qańtardan bastap bazalyq zeinetaqynyń eń tómen mólsheri eń tómen kúnkóris deńgeiinen 60%-dan 65%-ǵa deiin ósti, bul 28 215 teńgeni quraidy, eń joǵary mólsheri eń tómen kúnkóris deńgeiinen 100-den 105%-ǵa deiin arttyrylyp, 45 578 teńgeni quraidy.
1 qańtardan bastap memlekettik járdemaqylardyń ulǵaiýynyń birneshe mysaly:
- 1, 2, 3 balanyń týýyna beriletin járdemaqy 131 100 teńgeden 140 296 teńgege deiin, 4 jáne odan da kóp bala týýyna beriletin járdemaqy – 217 350 teńgeden 232 596 teńgege deiin ulǵaidy;
- mólsheri balalar sanyna bailanysty kópbalaly otbasylarǵa beriletin járdemaqy 4 balasy bar otbasylar úshin 55 304 teńgeden 59 183 teńgege deiin, 10 balasy bar otbasylar úshin – 138 000 teńgeden 147 680 teńgege deiin ulǵaidy;
- I top múgedektigi bar adamdarǵa arnalǵan járdemaqy 89 248 teńgeden 95 496 teńgege deiin, II top – 71 398 teńgeden 76 397 teńgege deiin, III top – 48 681 teńgeden 52 089 teńgege deiin ulǵaityldy.
"Sondai-aq, Memlekettik áleýmettik saqtandyrý qorynan (budan ári – MÁSQ) asyraýshysynan aiyrylý jáne eńbekke qabilettiliginen aiyrylý boiynsha tólemder 7%-ǵa ulǵaityldy. Atalǵan tólemder mindetti áleýmettik saqtandyrý júiesine qatysýshylarǵa biýdjetten beriletin memlekettik járdemaqylarǵa qosymsha júzege asyrylady.
Tólemderdiń mólsheri jeke-jeke jáne mynalarǵa bailanysty bolady: sońǵy 2 jylda MÁSQ-ǵa áleýmettik aýdarymdar júrgizilgen ortasha ailyq tabys, eńbekke qabilettiliginen aiyrylý koeffitsientteri, asyraýyndaǵy adamdar sany, mindetti áleýmettik saqtandyrý júiesine qatysý ótili jáne tabysty almastyrý" - delingen vedomstvo habarlamasynda.
