Qazaqstan Úkimeti zeinet jasyn kóterý máselesin qarastyrmaidy. Bul jaiynda QR Premer-Ministriniń baspasóz qyzmetinen málim etti, dep habarlaidy "Ult aqparat".
Taratylǵan aqparatta «Halyqtyq kommýnister» franktsiiasynyń zeinet jasyn tómendetý usynylǵan depýtattyq saýalyna berilgen jaýapta 2018 jyly kúshine engen qoldanystaǵy zeinetaqymen qamtý júiesine túsindirme berilgendigi aitylǵan.
Bul rette eńbek naryǵynda qalyptasyp otyrǵan álemdik trendter, sondai-aq túrli elderdegi demografiialyq úrdister mysal retinde keltirildi.
«Premer-Ministrdiń bergen jaýabynda QR-da zeinet jasyn odan ári arttyrý týraly eshteńe aitylmaǵan, sebebi mundai másele búgingi tańda kún tártibinde turǵan joq. Osylaisha, QR-da zeinet jasyn arttyrý kózdelgeni týraly keibir BAQ-ta taralǵan aqparat shyndyqqa sáikes kelmeidi», - dedi Úkimettiń baspasóz qyzmetinen.
Eske salsaq, QR Premer-Ministri Asqar Mamin Májilis depýtattarynyń zeinet jasyn tómendetýge qatysty resmi saýalyna jaýap bergen bolatyn.
