قازاقستان ٷكٸمەتٸ زەينەت جاسىن كٶتەرۋ مەسەلەسٸن قاراستىرمايدى. بۇل جايىندا قر پرەمەر-مينيسترٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
تاراتىلعان اقپاراتتا «حالىقتىق كوممۋنيستەر» فرانكتسيياسىنىڭ زەينەت جاسىن تٶمەندەتۋ ۇسىنىلعان دەپۋتاتتىق ساۋالىنا بەرٸلگەن جاۋاپتا 2018 جىلى كٷشٸنە ەنگەن قولدانىستاعى زەينەتاقىمەن قامتۋ جٷيەسٸنە تٷسٸندٸرمە بەرٸلگەندٸگٸ ايتىلعان.
بۇل رەتتە ەڭبەك نارىعىندا قالىپتاسىپ وتىرعان ەلەمدٸك ترەندتەر, سونداي-اق تٷرلٸ ەلدەردەگٸ دەموگرافييالىق ٷردٸستەر مىسال رەتٸندە كەلتٸرٸلدٸ.
«پرەمەر-مينيستردٸڭ بەرگەن جاۋابىندا قر-دا زەينەت جاسىن ودان ەرٸ ارتتىرۋ تۋرالى ەشتەڭە ايتىلماعان, سەبەبٸ مۇنداي مەسەلە بٷگٸنگٸ تاڭدا كٷن تەرتٸبٸندە تۇرعان جوق. وسىلايشا, قر-دا زەينەت جاسىن ارتتىرۋ كٶزدەلگەنٸ تۋرالى كەيبٸر باق-تا تارالعان اقپارات شىندىققا سەيكەس كەلمەيدٸ», - دەدٸ ٷكٸمەتتٸڭ باسپاسٶز قىزمەتٸنەن.
ەسكە سالساق, قر پرەمەر-مينيسترٸ اسقار مامين مەجٸلٸس دەپۋتاتتارىنىڭ زەينەت جاسىن تٶمەندەتۋگە قاتىستى رەسمي ساۋالىنا جاۋاپ بەرگەن بولاتىن.
