2020 jyly tirkelgen sybailas jemqorlyq qylmystarynyń sany 5 paiyzǵa azaidy. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Júieli aldyn alý jumystarynyń arqasynda 2020 jyly tirkelgen sybailas jemqorlyq qylmystarynyń sany 5 paiyzǵa azaidy. 2017 jyldan bastap 2020 jylǵa deiingi kezeńde tirkeý tipti 11 paiyzǵa qysqarǵanyn atap ótken jón. Bul sybailas jemqorlyq qylmystar sanynyń turaqty tómendeý úrdisin kórsetedi», - dedi Alik Shpekbaev agenttiktiń alqa otyrysynda.
Agenttik basshysynyń aitýynsha, sybailas jemqorlyqqa qarsy alǵashqy úsh toptamanyń jalǵasy retinde jaqyn arada tórtinshisi ázirlenetin bolady.
«Onyń ishinde zańsyz baiý úshin jaýapkershilikti engizý, sybailas jemqorlyq faktileri týraly habarlaityn adamdardy qorǵaýdyń keshendi júiesin qalyptastyrý, integrity check kásibi satylmaýshylyǵyna testileýdi engizý, parany ýáde etkeni/usynǵany úshin qylmystyq jaýapkershilikti engizý jáne asa aýyr sybailas jemqorlyq qylmystary úshin birneshe eselengen aiyppuldardy joiý bar», - dedi ol.
