BAÁ azamaty Jambyl oblysynda zańsyz ań aýlaǵany úshin sottaldy, - dep habarlaidy Tengrinews.kz tilshisi QR Aýyl sharýashylyǵy ministrligi Orman jáne ań sharýashylyǵy komitetiniń baspasóz hatshysy Sáken Dildahmetke silteme jasap.
Sot otyrysy 2017 jyldyń 24 qarashasynda Jambyl oblysyndaǵy Sarysý aýdandyq sotynda ótti. Sot úkimimen er adamǵa 500 ailyq eseptik kórsetkish retinde (1 134 500 teńge) aiyppul salyndy, Toyota Land Cruiser kóligi tárkilendi.
Sondai-aq, barlyq sheteldik azamattyń BAÁ-ge deportatsiialanǵany aitylady.
Eske sala keteiik, 12 qazanda Qyzyl kitapqa engizilgen qustardy aýlaǵan BAÁ-niń tórt azamaty ustalǵan bolatyn. Jambyl oblysy men Ońtúsik Qazaqstan oblysynyń shekarasynda Birikken Arab Ámirliginiń tórt azamaty men jergilikti eki turǵynnyń kóligin tekserý barysynda 1 suńqar, 1 bezgeldek, 2 qarabaýyr men 2 qoian tabyldy.
