Foto: QMA baspasóz qyzmeti
Aqmola oblysynyń, Astana jáne Shymkent qalalarynyń aýmaǵynda bir top tulǵa asa iri kólemdegi baǵaly metaldardyń zańsyz ainalymymen ainalysqan, dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, olardyń qyzmetin aimaqtyq prokýratýranyń úilestirýmen QMA Aqmola oblysy boiynsha Departamentiniń qyzmetkerleri áshkereledi.
Altyndy zańsyz óndirý, satyp alý, ótkizý men odan esepke alynbaǵan zergerlik buiymdardy jasaý jáne olardy satý boiynsha barlyq shema anyqtalǵan.
2019 jyldan bastap qazirgi ýaqytqa deiin bes kúdikti Bestóbe kentinde «qara izdeýshiler» zańsyz óndirgen jáne qaita óńdegen altyndy satyp alýmen ainalysqan.
Keiinnen altyn quimalary jolǵa qoiylǵan arnalar arqyly jetkizilip, jerasty tsehtarynda belgili saýda markalarynyń esepke alynbaǵan zergerlik buiymdary daiyndalyp, Astana men Shymkent saýda úilerinde satylǵan.
"Tintý barysynda 35 mln teńgeden astam somaǵa 99,5% altyny bar 1 kilogramnan astam altyn quima jáne satýǵa daiyndalǵan 335 zergerlik buiym tárkilendi.
2021 jylǵy qańtardan 2023 jylǵy qazanǵa deiin kúdiktiler arasyndaǵy aqsha ainalymy 300 mln teńgeden asqan.
Is boiynsha 5 adam kúdikti dep tanylyp, onyń 3 qatysty qamaýda ustaý túrindegi bultartpaý sharasy qoldanyldy" - delingen habarlamada.
QR QPK-niń 201-babyna sáikes ózge de aqparat taratylýǵa jatpaidy.
