Qazaqstanda taǵy 1485 adamnyń koronavirýs testi oń shyqty, 102 adamǵa koronavirýs pnevmoniiasy diagnozy qoiyldy. Densaýlyq saqtaý ministrliginiń 27 naýryz kúngi habarlamasynda osyndai málimet kórsetilgen. Bir kúnde 22 adam ólimi tirkelgen: 17 adam – koronavirýstan, 5 adam koronavirýs pnevmoniiasynan qaitys boldy dep aitylady. (Ministrlik adam ólimi men koronavirýs pnevmoniiasy kórsetkishin jariialaǵan kezde eki kún burynǵy málimetti usynady).
Buǵan deiin eldegi eń iri qala – Almaty qalasynda koronavirýstyń tez juǵatyn túrleri – britandyq jáne Ońtústik Afrika shtamy anyqtalǵany habarlanǵan edi.
26 naýryzda eń kóp naýqas Almaty qalasynda tirkelgen. Jalpy aimaqtaǵy ahýal tómendegidei:
- Almaty qalasynda - 32087 (+450 jańa naýqas qosylǵan);
- Nur-Sultan qalasynda – 29306 (+365)
- Shyǵys Qazaqstan oblysynda - 22723 (+17)
- Pavlodar oblysynda - 18961 (+35)
- Atyraý oblysynda - 18358 (+93),
- Qaraǵandy oblysynda - 17303 (+85),
- Aqmola oblysynda – 15141 (+48),
- Batys Qazaqstan oblysynda – 14684 (+87),
- Qostanai oblysynda - 13630 (+39),
- Soltústik Qazaqstan oblysynda - 12961 (+21),
- Almaty oblysynda - 12880 (+105),
- Shymkent qalasynda - 6660 (+34),
- Jambyl oblysynda – 6315 (+15),
- Aqtóbe oblysynda - 4958 (+50),
- Túrkistan oblysynda – 4454 (+7),
- Mańǵystaý oblysynda - 4381 (+10),
- Qyzylorda oblysynda - 3983 (+24).
2020 jyldyń naýryz aiynan beri 238 785 adamnyń koronavirýs testi oń shyqqan. Basym bóligi jazylǵan. Sodan beri 2980 adam qaitys bolǵan.
Qazaqstan biligi 2020 jyldyń 1 tamyzynan beri koronavirýs pnevmoniiasyna shaldyqqandardy bólek eseptep keledi. Biraq oǵan deiin qansha adamnyń koronavirýsqa uqsas pnevmoniiaǵa shaldyqqany belgisiz. Densaýlyq saqtaý ministrligi olardy pnevmoniianyń jalpy túrinen ajyratý qiyn bolǵanyn aitqan.
Sodan beri 50 317 adam koronavirýs pnevmoniiasyna shaldyqqan, 677 adam qaitys bolǵan.
Qazir 22 746 adam koronavirýstan emdelip jatyr. 342 naýqastyń jaǵdaiy – aýyr, 76 patsienttiń háli – óte aýyr, 47 adam jasandy tynys apparatyna qosylǵan.
Amerikalyq Djons Hopkins ýniversitetiniń málimeti boiynsha, indet bastalǵaly beri álemde 126 mln adamǵa koronavirýs juqqan. 2 mln 766 myń adam qaitys bolǵan. 71 mln 409 myń adam jazylǵan.
