قازاقستاندا تاعى 1485 ادامنىڭ كوروناۆيرۋس تەستٸ وڭ شىقتى, 102 ادامعا كوروناۆيرۋس پنەۆمونيياسى دياگنوزى قويىلدى. دەنساۋلىق ساقتاۋ مينيسترلٸگٸنٸڭ 27 ناۋرىز كٷنگٸ حابارلاماسىندا وسىنداي مەلٸمەت كٶرسەتٸلگەن. بٸر كٷندە 22 ادام ٶلٸمٸ تٸركەلگەن: 17 ادام – كوروناۆيرۋستان, 5 ادام كوروناۆيرۋس پنەۆمونيياسىنان قايتىس بولدى دەپ ايتىلادى. (مينيسترلٸك ادام ٶلٸمٸ مەن كوروناۆيرۋس پنەۆمونيياسى كٶرسەتكٸشٸن جارييالاعان كەزدە ەكٸ كٷن بۇرىنعى مەلٸمەتتٸ ۇسىنادى).
بۇعان دەيٸن ەلدەگٸ ەڭ ٸرٸ قالا – الماتى قالاسىندا كوروناۆيرۋستىڭ تەز جۇعاتىن تٷرلەرٸ – بريتاندىق جەنە وڭتٷستٸك افريكا شتامى انىقتالعانى حابارلانعان ەدٸ.
26 ناۋرىزدا ەڭ كٶپ ناۋقاس الماتى قالاسىندا تٸركەلگەن. جالپى ايماقتاعى احۋال تٶمەندەگٸدەي:
- الماتى قالاسىندا - 32087 (+450 جاڭا ناۋقاس قوسىلعان);
- نۇر-سۇلتان قالاسىندا – 29306 (+365)
- شىعىس قازاقستان وبلىسىندا - 22723 (+17)
- پاۆلودار وبلىسىندا - 18961 (+35)
- اتىراۋ وبلىسىندا - 18358 (+93),
- قاراعاندى وبلىسىندا - 17303 (+85),
- اقمولا وبلىسىندا – 15141 (+48),
- باتىس قازاقستان وبلىسىندا – 14684 (+87),
- قوستاناي وبلىسىندا - 13630 (+39),
- سولتٷستٸك قازاقستان وبلىسىندا - 12961 (+21),
- الماتى وبلىسىندا - 12880 (+105),
- شىمكەنت قالاسىندا - 6660 (+34),
- جامبىل وبلىسىندا – 6315 (+15),
- اقتٶبە وبلىسىندا - 4958 (+50),
- تٷركٸستان وبلىسىندا – 4454 (+7),
- ماڭعىستاۋ وبلىسىندا - 4381 (+10),
- قىزىلوردا وبلىسىندا - 3983 (+24).
2020 جىلدىڭ ناۋرىز ايىنان بەرٸ 238 785 ادامنىڭ كوروناۆيرۋس تەستٸ وڭ شىققان. باسىم بٶلٸگٸ جازىلعان. سودان بەرٸ 2980 ادام قايتىس بولعان.
قازاقستان بيلٸگٸ 2020 جىلدىڭ 1 تامىزىنان بەرٸ كوروناۆيرۋس پنەۆمونيياسىنا شالدىققانداردى بٶلەك ەسەپتەپ كەلەدٸ. بٸراق وعان دەيٸن قانشا ادامنىڭ كوروناۆيرۋسقا ۇقساس پنەۆمونيياعا شالدىققانى بەلگٸسٸز. دەنساۋلىق ساقتاۋ مينيسترلٸگٸ ولاردى پنەۆمونييانىڭ جالپى تٷرٸنەن اجىراتۋ قيىن بولعانىن ايتقان.
سودان بەرٸ 50 317 ادام كوروناۆيرۋس پنەۆمونيياسىنا شالدىققان, 677 ادام قايتىس بولعان.
قازٸر 22 746 ادام كوروناۆيرۋستان ەمدەلٸپ جاتىر. 342 ناۋقاستىڭ جاعدايى – اۋىر, 76 پاتسيەنتتٸڭ حەلٸ – ٶتە اۋىر, 47 ادام جاساندى تىنىس اپپاراتىنا قوسىلعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ٸندەت باستالعالى بەرٸ ەلەمدە 126 ملن ادامعا كوروناۆيرۋس جۇققان. 2 ملن 766 مىڭ ادام قايتىس بولعان. 71 ملن 409 مىڭ ادام جازىلعان.
