Májilistiń jalpy otyrysynda «Qazaqstan Respýblikasynyń keibir zańnamalyq aktilerine veterinariia máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
Májilis depýtaty Roman Kimniń aitýynsha, zań jobasymen 2 zańnamalyq aktige: «Qazaqstan Respýblikasyndaǵy kedendik retteý týraly» kodekske jáne «Veterinariia týraly» zańǵa ózgerister men tolyqtyrýlar engizilip otyr.
Zań jobasynyń negizgi maqsaty - Qazaqstan Respýblikasynyń veterinariia salasyndaǵy zańnamasyn odan ári jetildirý.
Atap aitqanda, zań jobasymen veterinariialyq pasportty elektrondyq formatta berý boiynsha memlekettik qyzmet kórsetý múmkindigi iske asyrylyp otyr. Kórsetiletin qyzmetti avtomattandyrý, buryn qaǵaz formatta daiyndaýǵa jiberiletin biýdjet qarajatyn únemdeýge múmkindik beredi, adami faktordyń áserin joiady, osy qujatty berýdi jeńildetedi jáne alýdy tezdetedi.
Sonymen qatar, sybailas jemqorlyq quqyq buzýshylyqtardy jasaýdyń alǵysharttaryn barynsha azaitý maqsatynda zań jobasynda memlekettik veterinariialyq-sanitariialyq inspektorlarǵa memlekettik veterinariialyq-sanitariialyq baqylaý jáne qadaǵalaý júrgizý kezinde foto- jáne beinetúsirilimdi júzege asyrýǵa, sondai-aq tehnikalyq quraldardy paidalanýǵa quqyq berý usynylýda.
