Klinikalyq synaqtan ótkenge deiin koronavirýs vaktsinasynyń baǵasy qansha bolatyny naqty belgili emes. Bul týraly Ortalyq kommýnikatsiialar qyzmeti alańynda «QR DSM ózekti máseleleri: Pandemiia kezindegi meditsinalyq kómektiń qol jetimdiligi týraly» taqyrypta ótken onlain brifingide aityldy, dep habarlaidy "Ult aqparat".
«Biz Qazaqsatndyq vaktsinadan da úmit kútemiz. Qazaqstandyq vaktsinalar klinikaǵa deiingi synaqtan sátti ótken. Endi klinikalyq synaqtan ótip jatyr. Ony synap kórgisi keletin eriktiler de jinalyp qoidy. Synaqtyń 1, 2-satysy qarasha, jeltoqsan aiyna qarai aiaqtalyp, nátijesin kóremiz. Sol kezde ol vaktsinanyń qanshalyqty tiimdi, qaýipsiz ekenin bilemiz», - deidi QR Densaýlyq saqtaý ministri Aleksei Tsoi.
Onyń aitýynsha, Qazaqstanda vaktsina óndiretin zaýyt salynyp jatyr.
«Ol zaýyttyń qazaqstandyqtardyń qajettilikterin óteýge kúshi jetedi. Óz vaktsinamyz synaqtyń barlyq satysynan ótken jaǵdaida osy zaýyttan shyǵarylatyn bolady. Klinikalyq synaqtan ótkenge deiin vaktsinanyń baǵasy qansha bolatyny naqty belgili emes, biraq 2-3 dollar kóleminde bolady dep oilaimyz», - deidi ol.
