كلينيكالىق سىناقتان ٶتكەنگە دەيٸن كوروناۆيرۋس ۆاكتسيناسىنىڭ باعاسى قانشا بولاتىنى ناقتى بەلگٸلٸ ەمەس. بۇل تۋرالى ورتالىق كوممۋنيكاتسييالار قىزمەتٸ الاڭىندا «قر دسم ٶزەكتٸ مەسەلەلەرٸ: پاندەمييا كەزٸندەگٸ مەديتسينالىق كٶمەكتٸڭ قول جەتٸمدٸلٸگٸ تۋرالى» تاقىرىپتا ٶتكەن ونلاين بريفينگٸدە ايتىلدى, دەپ حابارلايدى "ۇلت اقپارات".
«بٸز قازاقساتندىق ۆاكتسينادان دا ٷمٸت كٷتەمٸز. قازاقستاندىق ۆاكتسينالار كلينيكاعا دەيٸنگٸ سىناقتان سەتتٸ ٶتكەن. ەندٸ كلينيكالىق سىناقتان ٶتٸپ جاتىر. ونى سىناپ كٶرگٸسٸ كەلەتٸن ەرٸكتٸلەر دە جينالىپ قويدى. سىناقتىڭ 1, 2-ساتىسى قاراشا, جەلتوقسان ايىنا قاراي اياقتالىپ, نەتيجەسٸن كٶرەمٸز. سول كەزدە ول ۆاكتسينانىڭ قانشالىقتى تيٸمدٸ, قاۋٸپسٸز ەكەنٸن بٸلەمٸز», - دەيدٸ قر دەنساۋلىق ساقتاۋ مينيسترٸ الەكسەي تسوي.
ونىڭ ايتۋىنشا, قازاقستاندا ۆاكتسينا ٶندٸرەتٸن زاۋىت سالىنىپ جاتىر.
«ول زاۋىتتىڭ قازاقستاندىقتاردىڭ قاجەتتٸلٸكتەرٸن ٶتەۋگە كٷشٸ جەتەدٸ. ٶز ۆاكتسينامىز سىناقتىڭ بارلىق ساتىسىنان ٶتكەن جاعدايدا وسى زاۋىتتان شىعارىلاتىن بولادى. كلينيكالىق سىناقتان ٶتكەنگە دەيٸن ۆاكتسينانىڭ باعاسى قانشا بولاتىنى ناقتى بەلگٸلٸ ەمەس, بٸراق 2-3 دوللار كٶلەمٸندە بولادى دەپ ويلايمىز», - دەيدٸ ول.
