Qazaqstanda ushý qaýipsizdigin baqylaityn jańa ulttyq kompaniia qurylady. Bul týraly búgin investitsiialar jáne damý ministri Jeńis Qasymbek málimdedi, dep habarlaidy "Ult aqparat" Sputnik Qazaqstan agenttigine silteme jasap.
"Biz britaniialyq modeldi engizý boiynsha jospar ázirledik. Ol qoldanystaǵy zańnamaǵa ushý qaýipsizdigi salasyndaǵy baqylaý-qadaǵalaý fýnktsiialaryn ulttyq kompaniia túrindegi jańa qurylymǵa tapsyrý boiynsha ózgerister engizýdi kózdeidi. Jańa kompaniia ministrlikke esep beredi", — dedi Qasymbek úkimet otyrysynda.
Ministrdiń aitýynsha, ulttyq kompaniiaǵa azamattyq aviatsiia komitetinde isteitin qyzmetkerlerdiń úshten ekisi, atap aitsaq inspektorlar aýysady. Al memlekettik saiasatty qalyptastyrý men halyqaralyq qatynastar boiynsha fýnktsiialar ministrliktiń quzyretinde qalady.
"Búginde ushqyshtardy, ushaqtardyń sapasyn jiti tekserý úshin biz komitetke tiisti mamandardy shaqyra almaimyz. Sebebi olar kompaniiada 4-5 ese joǵary jalaqy alady. Iaǵni, biz maman tartý úshin oǵan jaǵdai jasaýymyz kerek. Bul tek ulttyq kompaniia nemese AQ túrinde ǵana iske asady. Bul úshin memlekettik fýnktsiialardyń bir bóligin kompaniia deńgeiine berý kerek. Iaǵni bul tusta halyqaralyq talaptarǵa sai keletin mamandardy tartý máselesi sóz bolyp otyr", — dep túsindirdi ministr.
Ministr britaniialyq model álemdegi eń qaýipsiz úlgilerdiń biri ekenin atap ótti.
