قازاقستاندا ۇشۋ قاۋٸپسٸزدٸگٸن باقىلايتىن جاڭا ۇلتتىق كومپانييا قۇرىلادى. بۇل تۋرالى بٷگٸن ينۆەستيتسييالار جەنە دامۋ مينيسترٸ جەڭٸس قاسىمبەك مەلٸمدەدٸ, دەپ حابارلايدى "ۇلت اقپارات" Sputnik قازاقستان اگەنتتٸگٸنە سٸلتەمە جاساپ.
"بٸز بريتانييالىق مودەلدٸ ەنگٸزۋ بويىنشا جوسپار ەزٸرلەدٸك. ول قولدانىستاعى زاڭناماعا ۇشۋ قاۋٸپسٸزدٸگٸ سالاسىنداعى باقىلاۋ-قاداعالاۋ فۋنكتسييالارىن ۇلتتىق كومپانييا تٷرٸندەگٸ جاڭا قۇرىلىمعا تاپسىرۋ بويىنشا ٶزگەرٸستەر ەنگٸزۋدٸ كٶزدەيدٸ. جاڭا كومپانييا مينيسترلٸككە ەسەپ بەرەدٸ", — دەدٸ قاسىمبەك ٷكٸمەت وتىرىسىندا.
مينيستردٸڭ ايتۋىنشا, ۇلتتىق كومپانيياعا ازاماتتىق اۆياتسييا كوميتەتٸندە ٸستەيتٸن قىزمەتكەرلەردٸڭ ٷشتەن ەكٸسٸ, اتاپ ايتساق ينسپەكتورلار اۋىسادى. ال مەملەكەتتٸك ساياساتتى قالىپتاستىرۋ مەن حالىقارالىق قاتىناستار بويىنشا فۋنكتسييالار مينيسترلٸكتٸڭ قۇزىرەتٸندە قالادى.
"بٷگٸندە ۇشقىشتاردى, ۇشاقتاردىڭ ساپاسىن جٸتٸ تەكسەرۋ ٷشٸن بٸز كوميتەتكە تيٸستٸ مامانداردى شاقىرا المايمىز. سەبەبٸ ولار كومپانييادا 4-5 ەسە جوعارى جالاقى الادى. ياعني, بٸز مامان تارتۋ ٷشٸن وعان جاعداي جاساۋىمىز كەرەك. بۇل تەك ۇلتتىق كومپانييا نەمەسە اق تٷرٸندە عانا ٸسكە اسادى. بۇل ٷشٸن مەملەكەتتٸك فۋنكتسييالاردىڭ بٸر بٶلٸگٸن كومپانييا دەڭگەيٸنە بەرۋ كەرەك. ياعني بۇل تۇستا حالىقارالىق تالاپتارعا ساي كەلەتٸن مامانداردى تارتۋ مەسەلەسٸ سٶز بولىپ وتىر", — دەپ تٷسٸندٸردٸ مينيستر.
مينيستر بريتانييالىق مودەل ەلەمدەگٸ ەڭ قاۋٸپسٸز ٷلگٸلەردٸڭ بٸرٸ ەكەنٸن اتاپ ٶتتٸ.
