Qazaqstanda uldar men qyzdar bólek oqytylýy múmkin be? Bul saýaldyń jaýabyn búgin QR Parlamenti Senatynda ótip jatqan «Orta bilim berý júiesiniń jai-kúii, problemalary jáne zańnamalyq retteý perspektivalar» taqyrybyna arnalǵan parlamenttik tyńdaý barysynda QR bilim jáne ǵylym ministri Erlan Saǵadiev berdi, dep habarlaidy QazAqparat.
Aita keterligi, parlamenttik tyńdaý barysynda senator Sársenbai Eńsegenov ministrden: «Tárbiesiz bilimniń ziiandylyǵy, tipti qaýiptiligi týraly orta ǵasyrda ómir súrgen oishyldar aityp ketken. Sondyqtan mekteptegi bilim berý tárbiemen birge júrý kerek dep oilaimyn. Rýhani jańǵyrýda aitylǵan ulttyq kodty engizýde mektep tárbiesiniń bereri kóp. Osy oraida sońǵy kezderi bólip oqytý máselesi aitylýda. Ásirese, qyz balalarǵa arnalǵan arnaiy mektepter bolsa deýde. Onyń ǵylymi negizdemesi de jazylyp júr. Osy máselege orai sizdiń kózqarasyńyzdy bilgim keledi», - degen edi.
Osy máselege qatysty kózqarasyn bildirgen ministr mundai usynysty durys emes dep sanaityndyǵyn aitty.
«Meniń oiymsha, Qazaqstanda qyzdarǵa, uldarǵa arnalǵan mektepterdiń bolýy durys emes. Bizde ondai dástúr bolmaǵan. Endi ony salamyz desek, onda aldymen qoǵamdyq úlken pikirlesý jumystaryn júrgizip alýymyz kerek», - dedi Erlan Saǵadiev.
