قازاقستاندا ۇلدار مەن قىزدار بٶلەك وقىتىلۋى مٷمكٸن بە? بۇل ساۋالدىڭ جاۋابىن بٷگٸن قر پارلامەنتٸ سەناتىندا ٶتٸپ جاتقان «ورتا بٸلٸم بەرۋ جٷيەسٸنٸڭ جاي-كٷيٸ, پروبلەمالارى جەنە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتٸك تىڭداۋ بارىسىندا قر بٸلٸم جەنە عىلىم مينيسترٸ ەرلان ساعاديەۆ بەردٸ, دەپ حابارلايدى قازاقپارات.
ايتا كەتەرلٸگٸ, پارلامەنتتٸك تىڭداۋ بارىسىندا سەناتور سەرسەنباي ەڭسەگەنوۆ مينيستردەن: «تەربيەسٸز بٸلٸمنٸڭ زيياندىلىعى, تٸپتٸ قاۋٸپتٸلٸگٸ تۋرالى ورتا عاسىردا ٶمٸر سٷرگەن ويشىلدار ايتىپ كەتكەن. سوندىقتان مەكتەپتەگٸ بٸلٸم بەرۋ تەربيەمەن بٸرگە جٷرۋ كەرەك دەپ ويلايمىن. رۋحاني جاڭعىرۋدا ايتىلعان ۇلتتىق كودتى ەنگٸزۋدە مەكتەپ تەربيەسٸنٸڭ بەرەرٸ كٶپ. وسى ورايدا سوڭعى كەزدەرٸ بٶلٸپ وقىتۋ مەسەلەسٸ ايتىلۋدا. ەسٸرەسە, قىز بالالارعا ارنالعان ارنايى مەكتەپتەر بولسا دەۋدە. ونىڭ عىلىمي نەگٸزدەمەسٸ دە جازىلىپ جٷر. وسى مەسەلەگە وراي سٸزدٸڭ كٶزقاراسىڭىزدى بٸلگٸم كەلەدٸ», - دەگەن ەدٸ.
وسى مەسەلەگە قاتىستى كٶزقاراسىن بٸلدٸرگەن مينيستر مۇنداي ۇسىنىستى دۇرىس ەمەس دەپ سانايتىندىعىن ايتتى.
«مەنٸڭ ويىمشا, قازاقستاندا قىزدارعا, ۇلدارعا ارنالعان مەكتەپتەردٸڭ بولۋى دۇرىس ەمەس. بٸزدە ونداي دەستٷر بولماعان. ەندٸ ونى سالامىز دەسەك, وندا الدىمەن قوعامدىق ٷلكەن پٸكٸرلەسۋ جۇمىستارىن جٷرگٸزٸپ الۋىمىز كەرەك», - دەدٸ ەرلان ساعاديەۆ.
