Foto: Tengrinews.kz/Turar Qazanǵapov
Premer-ministr ókimimen Qazaqstanda Úkimet janynan otandyq Kásipkerler keńesi quryldy. Bul qujat "Ádilet" aqparattyq-quqyqtyq júiesinde jariialandy, - dep habarlaidy Tengrinews.kz tilshisi.
Keńestiń mindeti - áleýmettik-ekonomikalyq damý, kásipkerlik jónindegi zańnamany jetildirý, naryqtyq ekonomikanyń damýyna jaǵdai jasaý jáne el ekonomikasyna otandyq investitsiialardy tartý, iskerlik jáne investitsiialyq ahýaldy baǵalaý jáne jaqsartý máseleleri boiynsha usynystar ázirleý.
Sondai-aq, onyń mindetterine kásipkerlik jáne investitsiialyq saiasat salasyndaǵy ózge de máselelerdi qaraý jáne talqylaý kiredi.
Qujatta Ulttyq ekonomika ministrligi keńestiń jumys organy ekeni, keńes otyrystary "qajet bolsa, biraq jylyna keminde eki ret" ótkiziletini kórsetilgen.
Keńes quramyna premer-ministr, onyń orynbasarlary, birqatar ministrlik basshylary, sondai-aq, biznes ókilderi kirdi.
Eske salaiyq, Prezident Qasym-Jomart Toqaev Úkimet janynan Kásipkerler keńesin qurýdy 21 qańtarda tapsyrǵan bolatyn. Ol mundai qadam "qabyldanatyn sheshimder aýqymyn" tómendetedi degen edi.
"Mundai organ biznestiń úni men ideiasyn tikelei jetkizýge múmkindik beredi dep oilaimyn", - dedi Memleket basshysy.
