Qazaqstanda 2020 jyldyń úshinshi toqsanynda jumyspen ýaqytsha qamtylmaǵan azamattar sany 145,4 myń adamǵa azaidy, dep habarlaidy "Ult aqparat". Eńbek resýrstaryn damytý ortalyǵyna silteme jasap.
Eger 2-toqsanda bul sanatqa jarty millionnan astam adam kirgen bolsa, shilde men qyrkúiek aralyǵynda ýaqytsha jumyssyz 390,3 myń adam bolǵan.
Bul rette 2019 jyldyń uqsas kezeńimen salystyrǵanda bul kórsetkish 2 eseden astam ulǵaiǵan – ótken jyly ol 162,7 myń adamdy qurady.
«Karantin kezeńinde qosymsha shekteýdi eskergende, jumysta ýaqytsha bolmaǵan azamattar sanynyń ósýi qisyndy. Sonymen birge, osy sanattaǵy dinamikaǵa shekteý sharalarynyń birtindep álsireýi jáne 3-toqsanda jumysqa ishinara oralý oń áser etti», - dep atap ótti «Eńbek resýrstaryn damytý ortalyǵy» « AQ Strategiia jáne jobalyq basqarý departamentiniń direktory Aleksandra Molchanovskaia.
Sondai-aq sarapshy biylǵy jyldyń 3-toqsanynda «jumyspen ýaqytsha qamtylmaǵandardyń» úshten bir bóligi mekemeniń «qyzmetin ýaqytsha toqtata turý» sebepti jumys istemegenin habarlady.
Budan basqa, tolyq jumyspen qamtylmaǵandardyń sany bir jarym esege, al eń az ýaqyt (aptasyna 10 saǵattan az) jumys isteitinderdiń sany 2020 jyldyń birinshi toqsanymen salystyrǵanda 2,7 esege jáne jumyspen qamtylǵan halyqtyń sany (8,7 mln. adam) is júzinde tolyq saqtala otyryp, ótken jyldyń úshinshi toqsanymen salystyrǵanda eki esege ósti.
«Biz basqa elderdegi jaǵdaidy muqiiat baqylaimyz. Qazaqstanda halyqty qoldaý sharalary basqa elderge qaraǵanda nashar emes, keide tipti jaqsy dep te sanaimyz. Memlekettik baǵdarlamalar, sonyń ishinde daǵdarysqa qarsy baǵdarlama burynǵy kólemde bolmasa da, halyqqa kirisin saqtaýǵa múmkindik beredi», – dedi Aleksandra Molchanovskaia.
