قازاقستاندا 2020 جىلدىڭ ٷشٸنشٸ توقسانىندا جۇمىسپەن ۋاقىتشا قامتىلماعان ازاماتتار سانى 145,4 مىڭ ادامعا ازايدى, دەپ حابارلايدى "ۇلت اقپارات". ەڭبەك رەسۋرستارىن دامىتۋ ورتالىعىنا سٸلتەمە جاساپ.
ەگەر 2-توقساندا بۇل ساناتقا جارتى ميلليوننان استام ادام كٸرگەن بولسا, شٸلدە مەن قىركٷيەك ارالىعىندا ۋاقىتشا جۇمىسسىز 390,3 مىڭ ادام بولعان.
بۇل رەتتە 2019 جىلدىڭ ۇقساس كەزەڭٸمەن سالىستىرعاندا بۇل كٶرسەتكٸش 2 ەسەدەن استام ۇلعايعان – ٶتكەن جىلى ول 162,7 مىڭ ادامدى قۇرادى.
«كارانتين كەزەڭٸندە قوسىمشا شەكتەۋدٸ ەسكەرگەندە, جۇمىستا ۋاقىتشا بولماعان ازاماتتار سانىنىڭ ٶسۋٸ قيسىندى. سونىمەن بٸرگە, وسى ساناتتاعى ديناميكاعا شەكتەۋ شارالارىنىڭ بٸرتٸندەپ ەلسٸرەۋٸ جەنە 3-توقساندا جۇمىسقا ٸشٸنارا ورالۋ وڭ ەسەر ەتتٸ», - دەپ اتاپ ٶتتٸ «ەڭبەك رەسۋرستارىن دامىتۋ ورتالىعى» « اق ستراتەگييا جەنە جوبالىق باسقارۋ دەپارتامەنتٸنٸڭ ديرەكتورى الەكساندرا مولچانوۆسكايا.
سونداي-اق ساراپشى بيىلعى جىلدىڭ 3-توقسانىندا «جۇمىسپەن ۋاقىتشا قامتىلماعانداردىڭ» ٷشتەن بٸر بٶلٸگٸ مەكەمەنٸڭ «قىزمەتٸن ۋاقىتشا توقتاتا تۇرۋ» سەبەپتٸ جۇمىس ٸستەمەگەنٸن حابارلادى.
بۇدان باسقا, تولىق جۇمىسپەن قامتىلماعانداردىڭ سانى بٸر جارىم ەسەگە, ال ەڭ از ۋاقىت (اپتاسىنا 10 ساعاتتان از) جۇمىس ٸستەيتٸندەردٸڭ سانى 2020 جىلدىڭ بٸرٸنشٸ توقسانىمەن سالىستىرعاندا 2,7 ەسەگە جەنە جۇمىسپەن قامتىلعان حالىقتىڭ سانى (8,7 ملن. ادام) ٸس جٷزٸندە تولىق ساقتالا وتىرىپ, ٶتكەن جىلدىڭ ٷشٸنشٸ توقسانىمەن سالىستىرعاندا ەكٸ ەسەگە ٶستٸ.
«بٸز باسقا ەلدەردەگٸ جاعدايدى مۇقييات باقىلايمىز. قازاقستاندا حالىقتى قولداۋ شارالارى باسقا ەلدەرگە قاراعاندا ناشار ەمەس, كەيدە تٸپتٸ جاقسى دەپ تە سانايمىز. مەملەكەتتٸك باعدارلامالار, سونىڭ ٸشٸندە داعدارىسقا قارسى باعدارلاما بۇرىنعى كٶلەمدە بولماسا دا, حالىققا كٸرٸسٸن ساقتاۋعا مٷمكٸندٸك بەرەدٸ», – دەدٸ الەكساندرا مولچانوۆسكايا.
