Sońǵy 9 jylda Qazaqstanda túrme turǵyndarynyń sany 2 esege jýyq azaidy. Bul týraly QR Ishki ister ministrligi Qylmystyq atqarý júiesi komitetiniń tóraǵasy, politsiia polkovnigi Janat Eshmaǵambetov aitty, dep habarlaidy QazAqparat.
Janat Eshmaǵambetovtyń aitýynsha, qylmystyq saiasatty izgilendirýdiń arqasynda sońǵy 9 jyldyń ishinde túrme turǵyndarynyń sany is júzinde 2 esege jýyq, 57 myńnan 30 myńǵa deiin tómendedi.
Búginde elimizdiń penitentsiarlyq júiesinde 82 myń mekeme bar. Olarda 30 myńnan astam sotalýshy jáne tergeý barysynda tutqynǵa alynǵan adamdar otyrady.
«Atap aitqanda, 66 kaloniiada rejimniń ár túrimen shamamen 25 myń adam ustalady jáne 16 tergeý ornynda 5 myńnan astam tergeýi barysynda tutqynǵa alynǵan adam otyr», - dedi Janat Eshmaǵambetov.
QAJ komitetiniń tóraǵasy qylmystyq-atqarý júiesin jandandyrýǵa qatysty birqatar mindetterdiń iske asyrylý barysy týraly da aitty.
«Qazirgi ýaqytta penitentsiarlyq júieni jandandyrý boiynsha maqsatty jumystar atqarylyp jatyr. Memleket basshysynyń sońǵy Qazaqstan halqyna Joldaýynda bizge birqatar tapsyrlamalar júktelgen. Sol mindetterdi iske asyrý aiasynda QAJ mekemelerine jappai beinebaqylaý júiesin ornatý boiynsha máseleler pysyqtalyp jatyr. Bul óz kezeginde koloniialardaǵy jaǵdaidy ýaqytyly baqylaýdy qamtamasyz etedi jáne sottalǵandardyń, sondai-aq qyzmetkerlerdiń tarapynan oryn alýy múmkin buzýshylyqtardyń aldyn alýǵa yqpal etedi», deidi Janat Eshmaǵambetov.
