سوڭعى 9 جىلدا قازاقستاندا تٷرمە تۇرعىندارىنىڭ سانى 2 ەسەگە جۋىق ازايدى. بۇل تۋرالى قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى, پوليتسييا پولكوۆنيگٸ جانات ەشماعامبەتوۆ ايتتى, دەپ حابارلايدى قازاقپارات.
جانات ەشماعامبەتوۆتىڭ ايتۋىنشا, قىلمىستىق ساياساتتى ٸزگٸلەندٸرۋدٸڭ ارقاسىندا سوڭعى 9 جىلدىڭ ٸشٸندە تٷرمە تۇرعىندارىنىڭ سانى ٸس جٷزٸندە 2 ەسەگە جۋىق, 57 مىڭنان 30 مىڭعا دەيٸن تٶمەندەدٸ.
بٷگٸندە ەلٸمٸزدٸڭ پەنيتەنتسيارلىق جٷيەسٸندە 82 مىڭ مەكەمە بار. ولاردا 30 مىڭنان استام سوتالۋشى جەنە تەرگەۋ بارىسىندا تۇتقىنعا الىنعان ادامدار وتىرادى.
«اتاپ ايتقاندا, 66 كالونييادا رەجيمنٸڭ ەر تٷرٸمەن شامامەن 25 مىڭ ادام ۇستالادى جەنە 16 تەرگەۋ ورنىندا 5 مىڭنان استام تەرگەۋٸ بارىسىندا تۇتقىنعا الىنعان ادام وتىر», - دەدٸ جانات ەشماعامبەتوۆ.
قاج كوميتەتٸنٸڭ تٶراعاسى قىلمىستىق-اتقارۋ جٷيەسٸن جانداندىرۋعا قاتىستى بٸرقاتار مٸندەتتەردٸڭ ٸسكە اسىرىلۋ بارىسى تۋرالى دا ايتتى.
«قازٸرگٸ ۋاقىتتا پەنيتەنتسيارلىق جٷيەنٸ جانداندىرۋ بويىنشا ماقساتتى جۇمىستار اتقارىلىپ جاتىر. مەملەكەت باسشىسىنىڭ سوڭعى قازاقستان حالقىنا جولداۋىندا بٸزگە بٸرقاتار تاپسىرلامالار جٷكتەلگەن. سول مٸندەتتەردٸ ٸسكە اسىرۋ اياسىندا قاج مەكەمەلەرٸنە جاپپاي بەينەباقىلاۋ جٷيەسٸن ورناتۋ بويىنشا مەسەلەلەر پىسىقتالىپ جاتىر. بۇل ٶز كەزەگٸندە كولونييالارداعى جاعدايدى ۋاقىتىلى باقىلاۋدى قامتاماسىز ەتەدٸ جەنە سوتتالعانداردىڭ, سونداي-اق قىزمەتكەرلەردٸڭ تاراپىنان ورىن الۋى مٷمكٸن بۇزۋشىلىقتاردىڭ الدىن الۋعا ىقپال ەتەدٸ», دەيدٸ جانات ەشماعامبەتوۆ.
