Qazaqstanda ótken shilde aiynda turǵyn úidi satý-satyp alý mámileleriniń sany azaidy. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
«2021 jylǵy shildede turǵyn úidi satý-satyp alý boiynsha tirkelgen mámileler sany 46 255 qurady jáne ótken aimen salystyrǵanda 14,4% az boldy», - delingen aqparatta.
Ótken shilde aiynda turǵyn úidi satý-satyp alý boiynsha eń kóp kelisim Almaty qalasynda jasalǵan – 6 833. Odan keiingi oryndarda Nur-Sultan qalasy (5 708), Qaraǵandy oblysy (5 361), Mańǵystaý oblysy (3 356) jáne Almaty oblysy (3 252) tur.
Jalpy, biylǵy qańtar-shilde ailary aralyǵynda baspanaǵa qatysty barlyǵy 323 693 kelisim jasalǵan. Bul ótken jyldyń osyndai kezeńimen salystyrǵanda 2,2 ese kóp.
