Qazaqstanda turǵyn úi baǵasy 2021 jyldyń aqpanynda ósýin jalǵastyrdy. Bul týraly Ulttyq statistika biýrosynyń habarlamasynda aitylǵan, - dep habarlaidy "Ult aqparat".
«2021 jyldyń qańtarymen salystyrǵanda aqpan aiynda abattandyrylǵan turǵyn úilerdi alyp satý baǵalary 3,1%-ǵa, jańa turǵyn úilerdi satý baǵalary 1,2%-ǵa ósti. Abattandyrylǵan turǵyn úidi jalǵa alý tólemi 1,6%-ǵa joǵarylady», - delingen habarlamada.
Turǵyn úi naryǵyndaǵy baǵanyń ózgerýine toqtalsaq, 2021 jyldyń aqpanynda jańa turǵyn úilerdi satý baǵalary ótken jyldyń osy aiyna qaraǵanda 8%-ǵa ósken. Abattandyrylǵan turǵyn úilerdi satyp alý baǵalary 20,3%-ǵa kóterilse, abattandyrylǵan turǵyn úidi jalǵa alý tólemi 10,7%-ǵa artqan.
Biýro aqparatynsha, 2020 jyldyń jeltoqsanymen salystyrǵanda jańa turǵyn úilerdi satý baǵasy 2021 jyldyń aqpanynda 4,2%-ǵa ósken. Abattandyrylǵan turǵyn úilerdi alyp satý baǵasy 2020 jyly 13,2%-ǵa ósse, biylǵy jyldyń aqpanynda 8,2%-ǵa kóterilgen. Al abattandyrylǵan turǵyn úidi jalǵa alý tólemi ótken jylmen salystyrǵanda 4,4%-ǵa ósken.
Qazaqstan boiynsha jańa úilerdiń bir sharshy metriniń ortasha quny - 322 968 teńge.
