"Azamattarǵa arnalǵan úkimettiń" tóraǵasy birinshi "proaktivti" balaǵa týý týraly kýálik tabys etti, - dep habarlaidy "Ult aqparat" "Azamattarǵa arnalǵan úkimet" memlekettik korporatsiiasy" kommertsiialyq emes aktsionerlik qoǵamynyń baspasóz qyzmetine silteme jasap.
Memlekettik qyzmetterdi proaktivti printsip boiynsha alǵan alǵashqy qazaqstandyq Astana qalasynyń turǵyny Roza Ainabekova boldy. Onyń nárestesi Aiymǵa týý týraly kýáligin memlekettik korporatsiianyń basqarma tóraǵasy Abylaihan Ospanov tabys etti.
Jańa jyl qarsańynda "Azamattarǵa arnalǵan úkimet" memlekettik korporatsiiasy men "Ulttyq aqparattyq tehnologiialar" AQ bala týǵan ata-analarǵa memlekettik qyzmetterdi proaktivti tásilmen kórsetý jobasyn júzege asyra bastady. Endi aqparattyq júielerdiń birigýiniń arqasynda jańa týǵan náresteni tirkeý boiynsha ótinish avtomatty túrde keletin bolady.
Pilottyq joba iske qosylǵannan beri SMS-habarlama arqyly 1208 áielge SMS-habarlama arqyly quttyqtaý kelip, sábidi tirkeý boiynsha memlekettik qyzmetterdi proaktivti printsippen alý usynysy jasaldy. Bul oraida Elektrondyq úkimet portaly barlyq málimetterdi túrli memlekettik organdardyń aqparattyq júielerinen jinap, al ózge derekterdi SMS habarlama arqyly ata-anadan suraidy.
Sondai-aq, telefon arqyly shot nómirin jiberip, járdemaqylardy rásimdeýge jáne balabaqshaǵa kezekke qoiýǵa bolady. Al halyqqa qyzmet kórsetý ortalyǵyna balanyń kýáligin alyp ketý úshin ǵana kelý kerek nemese úige jetkizý qyzmetin paidalanýǵa bolady.
Kóp uzamai áleýmettik qamsyzdandyrý jáne zeinetaqy salasyna qatysty qyzmetter de proaktivti printsippen usynylatyn bolady. Eske salaiyq, memlekettik qyzmetterge proaktivti tásilmen qol jetkizý úshin azamattar jeke sáikestendirý nómirin portaldaǵy jeke kabinetinde kórsetilgen telefon nómirine bekitýi tiis.
