Qazaqstanda tsifrlyq maining boiynsha negizgi is-sharalar úsh baǵytta júrgiziledi, olar – «sur mainerlerdi» anyqtaý, naryqty retteý jáne Qazaqstanda halyqaralyq standarttarǵa sai kriptoindýstriia salasyn damytý úshin tiisti ekojúieni qurý, dep habarlaidy QazAqparat Tsifrlyq damý, innovatsiialar jáne aeroǵarysh ónerkásibi ministrligine silteme jasap.
«Quziretti organdardan qurylǵan mobildi toptardyń revolverlik tekserý júiesi engiziledi. «sur mainerlerdi» anyqtaý úshin uiymdardyń tizimi jasalyp, tutynylatyn elektr energiiasynyń tarihi derekteri qurylady jáne salyqtyq, kedendik tekserýlerdiń naqty algoritmi qoldanylatyn bolady. Sondai-aq IR-adresterge shekteý qoiý arqyly sur mainerlerdiń is-áreketine tyiym salý tetikteri pysyqtalýda», - dedi Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Odan bólek «sur mainerlerdiń» múlkin tárkileýdi zańnamada qarastyrý máselesi talqylanatyn bolady. Atalǵan sharalar Ulttyq qaýipsizdik komiteti, Energetika jáne Qarjy ministrlikterimen birlesip qabyldanady. Bul rette naryqty retteý maqsatynda, tsifrlyq mainingti litsenziialaý engiziledi. Basty talap – tehnikalyq talaptarǵa sáikes bolý kerek, iaǵni qajetti jabdyqtardyń, órt qaýipsizdigi boiynsha tiisti bólmeniń jáne mindettemelerdiń bolýy shart.
Sonymen qatar arnaiy tarif pen elektr energiiasyn kvotalaý júiesi engiziledi. Al «aq mainerlerge» ESG talaptaryn saqtaý turǵysynan tiisti mindettemeler qoiylatyn bolady.
«Qazaqstanda halyqaralyq standarttarǵa sai kriptoindýstriia salasyn damytý úshin tiisti ekojúieni qurý baǵytynda elimizde kriptobirjalardy qurý, kriptobirja qatysýshylary úshin banktik qyzmet kórsetýdi iske qosý (Astana halyqaralyq qarjy ortalyǵy) jáne mainingtik pýldardy qurý sharalary qolǵa alynady. Usynylǵan is-sharalar naryqta naqty jáne aiqyn erejelerdi ornatýǵa, elektr qýatyn shamadan tys shyǵyndamaýǵa jáne jasyryn jumys istep jatqan mainingtik fermalardy «sur aimaqtan» shyǵarýǵa oń áserin tigizedi», - deidi ministr Baǵdat Mýsin.
Sondai-aq azamattarǵa turǵyn úidi jaldaý jáne shyǵyndar bóligin óteýge arnalǵan tsifrlyq platforma týraly aityldy. Bul oraida «Otbasy bank» platformasy negizinde elektrondyq tsifrlyq qoltańba arqyly ótinish berý úshin jáne ótinish berýshiniń baǵdarlama talaptaryna sáikestigin avtomatty túrde tekserý protsesi uiymdastyryldy.
Ótinish berýshiniń derekteri Tsifrlyq damý, Ádilet, Qarjy, Bilim jáne ǵylym, Eńbek jáne halyqty áleýmettik qorǵaý ministrlikteri, «Azamattarǵa arnalǵan úkimet» memlekettik bazalarymen integratsiialaý arqyly tekseriledi. Kelisimsharttar «Blockchain» tehnologiiasy negizinde jasalady jáne memlekettik organdarynyń derekter bazasynda onlain tirkelý múmkindigi kózdelgen. Otbasy bank tarapynan Smart Bridge arqyly tiisti ótinim berilgen.
