Germaniiadan ushyp kelgen Qazaqstannyń taǵy bir azamatynan koronavirýs anyqtaldy, dep habarlaidy "Ult aqparat".
Bul týraly QR Densaýlyq saqtaý ministrliginiń resmi ókili Dias Ahmetshárip «Ashyq alań» baǵdarlamasynda aitty.
«25 minýt buryn bizge shuǵyl habar kelip tústi. Germaniiadan kelgen ushaqta bolǵan 1976 jyly týǵan er adamnan koronavirýs tabylyp, qazir ol Almatydaǵy kópbeiindi meditsina ortalyǵynyń statsionarynda em alyp jatyr. Osylaisha naýqastardyń sany tórtke jetti. Aita keteiik, onyń úsheýi Germaniiadan kelgen, qazir Almatyda karantinde, al tórtinshi elordalyq áiel kúieýimen birge Italiianyń Milan qalasynan ushyp keldi. Onyń joldasynan koronavirýs tabylǵan joq», - dedi Dias Ahmetshárip.
Eske sala keteiik, búgin Densaýlyq saqtaý ministri Eljan Birtanov Qazaqstanda eki adamnyń koronavirýs juqtyrǵanyn jetkizgen edi. Keiinnen Milan qalasynan Nur-Sultanǵa kelgen taǵy bir qazaqstandyqtan koronavirýs infektsiiasy tabyldy.
Budan buryn aitqanymyzdai, elimizde koronavirýs tirkelgen jaǵdaida Úkimet janyndaǵy vedomstvoaralyq komissiia tiisti is-sharalar josparyn bekitken edi. «B» jospary búgin kúshine endi.
Qazir barlyq shara bekitilgen algoritm boiynsha júrgizilip jatyr. Koronavirýs infektsiiasyna shaldyqty dep kúdiktelgen tulǵada aýrýdyń klinikalyq belgisi joq. Epidemiiaǵa qarsy barlyq qajetti shara qoldanylyp jatyr, sonyń ishinde oqshaýlaý, emdeý jáne dezinfektsiialyq is-shara bar.
- karantinge jatqyzý úshin tósek oryndary ázirlengen;
- meditsinalyq preparattar men dezinfektsiialyq quraldar qory jetkilikti;
- meditsinalyq personal tolyq daiyn;
- suraq týǵan jaǵdaida, 1406 nómirine call ortalyqqa habarlasý kerek.
