Jyl basynan beri Qazaqstan teńiz porttary arqyly 2,6 mln tonna júk tasymaldandy, dep habarlaidy "Ult aqparat".
«2020 jyldyń alǵashqy 5 aiynda Aqtaý jáne Quryq teńiz porttary arqyly 2,6 mln tonnaǵa jýyq júk tasymaldandy. Bul rette júk avtokólik quraldaryn aýystyryp tieý kólemi 10 paiyzǵa artty. Ótken jyldyń 5 aiynda bul kórsetkish 2 564 bolsa, biyl 2824-ke jetti. Sondai-aq, konteinerlerdi aýystyryp tieý 19 paiyzǵa ósip, 11 712 boldy», - delingen QR IIDM baspasóz qyzmeti málimetinde.
Biylǵy qańtar-mamyr ailarynda Kaspii teńizindegi porttar arasynda saýda floty 1 mln tonna júk tasymaldandy nemese ótken jyldyń sáikes kezeńimen salystyrǵanda 104 paiyzdy qurady (967 myń tonna).
«Bekitilgen tártipke sáikes, karantindik kezeńde Aqtaý jáne Quryq teńiz porttary arqyly jolaýshylar tasymalyn júzege asyrýǵa engizilgen shekteý saqtalady. Biraq, onyń shetelderden qaityp keletin qazaqstandyq azamattarǵa qatysy joq. Osy oraida Baký - Quryq paromdyq qatynasymen 161 adam qaitaryldy», - delingen vedomstvo habarlamasynda.
Epidemiiaǵa qarsy qabyldanǵan sharalar aiasynda porttardyń qyzmetteri sanitarlyq-karantindik sala qyzmetkerlerimen birlesip portqa keletin barlyq júk kólikterine dezinfektsiia júrgizedi. Porttarda alǵashqy meditsinalyq kómek kórsetýge arnalǵan karantindik bólmeler jabdyqtaldy.
