جىل باسىنان بەرٸ قازاقستان تەڭٸز پورتتارى ارقىلى 2,6 ملن توننا جٷك تاسىمالداندى, دەپ حابارلايدى "ۇلت اقپارات".
«2020 جىلدىڭ العاشقى 5 ايىندا اقتاۋ جەنە قۇرىق تەڭٸز پورتتارى ارقىلى 2,6 ملن تونناعا جۋىق جٷك تاسىمالداندى. بۇل رەتتە جٷك اۆتوكٶلٸك قۇرالدارىن اۋىستىرىپ تيەۋ كٶلەمٸ 10 پايىزعا ارتتى. ٶتكەن جىلدىڭ 5 ايىندا بۇل كٶرسەتكٸش 2 564 بولسا, بيىل 2824-كە جەتتٸ. سونداي-اق, كونتەينەرلەردٸ اۋىستىرىپ تيەۋ 19 پايىزعا ٶسٸپ, 11 712 بولدى», - دەلٸنگەن قر ييدم باسپاسٶز قىزمەتٸ مەلٸمەتٸندە.
بيىلعى قاڭتار-مامىر ايلارىندا كاسپيي تەڭٸزٸندەگٸ پورتتار اراسىندا ساۋدا فلوتى 1 ملن توننا جٷك تاسىمالداندى نەمەسە ٶتكەن جىلدىڭ سەيكەس كەزەڭٸمەن سالىستىرعاندا 104 پايىزدى قۇرادى (967 مىڭ توننا).
«بەكٸتٸلگەن تەرتٸپكە سەيكەس, كارانتيندٸك كەزەڭدە اقتاۋ جەنە قۇرىق تەڭٸز پورتتارى ارقىلى جولاۋشىلار تاسىمالىن جٷزەگە اسىرۋعا ەنگٸزٸلگەن شەكتەۋ ساقتالادى. بٸراق, ونىڭ شەتەلدەردەن قايتىپ كەلەتٸن قازاقستاندىق ازاماتتارعا قاتىسى جوق. وسى ورايدا باكۋ - قۇرىق پارومدىق قاتىناسىمەن 161 ادام قايتارىلدى», - دەلٸنگەن ۆەدومستۆو حابارلاماسىندا.
ەپيدەميياعا قارسى قابىلدانعان شارالار اياسىندا پورتتاردىڭ قىزمەتتەرٸ سانيتارلىق-كارانتيندٸك سالا قىزمەتكەرلەرٸمەن بٸرلەسٸپ پورتقا كەلەتٸن بارلىق جٷك كٶلٸكتەرٸنە دەزينفەكتسييا جٷرگٸزەدٸ. پورتتاردا العاشقى مەديتسينالىق كٶمەك كٶرسەتۋگە ارنالعان كارانتيندٸك بٶلمەلەر جابدىقتالدى.
