QR Úkimetiniń 2017 jylǵy 29 qarashada jariialanǵan №787 qaýlysyna sáikes eldegi barlyq temirjol stansalarynyń ataýy ózgertildi, dep habarlaidy "Ult aqparat".
Qujat QR Ádilet ministrligi Normativti quqyqtyq aktilerdiń aqparattyq-quqyqtyq júiesi saitynda jariialanǵan.
«Qazaqstan Respýblikasynyń keibir temirjol stansalarynyń atalýyn ózgertý týraly qaýly resmi túrde jariialanǵan kúninen bastap kúshine enedi», - dedi.
Birinshi qosymshada 15 temirjol stansasy, Óskemendegi Zashita - Óskemen-1, Leninogorsk - Ridder, Qorǵas stansasy - Altynkól dep atalady. Al Taraz qalasyndaǵy temirjol stansasy Jambyl emes, Taraz dep atalatyn boldy.
Ekinshi qosymsha boiynsha stansalardyń aitylýy men jazylýy ózgeretin boldy. Atap aitqanda, biletterde «Alma Ata 1» jáne «Alma Ata 2», Semipalatinsk, Chý, Taldy-Kýrgan, Manǵyshlaq stansalary Almaty-1, Almaty-2, Semei, Shý, Taldyqorǵan, Mańǵystaý dep kórsetiletin bolady.
Qaýlynyń tolyq mátini myna silteme arqyly tanysýǵa bolady.
