QR Investitsiialar jáne damý ministrligi aldaǵy jyly birqatar baǵyttar boiynsha temirjol biletteriniń baǵasy josparly túrde kóteriletini jóninde habarlady.
Bul ózgeris tasymaldaýshylar shyǵyndarynyń ósýine bailanysty jáne marshrýttardy saqtap qalý maqsatynda jasalyp otyr. Tarifterdi túzetý kútiletin infliatsiia sheginen asyp ketpeidi. Osylaisha, 38 baǵyt boiynsha bilet baǵasy 7%-ǵa, 3 baǵyt boiynsha 3%-ǵa ósedi, dep kútilýde. Al, 16 baǵyttyń bilet qunynda ózgeris bolmaidy, dep habarlaidy ministrliktiń baspasóz qyzmeti.
Bul birneshe tasymaldaýshynyń konkýrsqa bergen ótinimderine bailanysty jasalyp otyr. Al, tasymaldaýshy osy baǵyttar boiynsha kiristiń azaiyp qalý táýekelderine jaýapty bolady.
Qala mańyna júretin poiyzdardyń tarif ósimi 37%-dy quraidy. Bul qala mańyndaǵy poiyzdarda jolaýshylardy tasymaldaýdaǵy bazalyq stavkalardyń ulǵaiýyna bailanysty.
Mysaly, qala mańyndaǵy poiyzdardyń burynǵy bazalyq baǵasy 100 shaqyrymǵa 324 teńge edi. Al, avtokólik joldarynda bul baǵa 3-4 ese joǵary bolatyn.
Qala mańyndaǵy tasymal shyǵynyn azaitý maqsatynda bazalyq stavka 30%-ǵa artyp, baǵasy 100 shaqyrymǵa 464 teńge bolady. Osylaisha, áleýmettik mańyzy bar baǵyttardaǵy jolaýshylar tasymaly tiimdiligin arttyrýǵa múmkindik beredi.
