Teleradio habarlaryn taratý jelilerinde josparly-profilaktikalyq jumystar júrip jatyr. Sol sebepti barlyq teleradioarnany retransliatsiialaý ýaqytsha toqtatylady, - dep habarlaidy "Ult aqparat" "Qazteleradio" ulttyq operatoryna silteme jasap.
"Teleradio habarlaryn taratý jelilerinde josparly-profilaktikalyq jumystar 2022 jyldyń 20 sáýiri saǵat 03:00 men 17:00 aralyǵynda (Nur-Sultan qalasynyń ýaqytymen) jerseriktik, tsifrlyq jáne analogty efirlik jelilerdiń tehnikalyq quraldaryndaǵy servister jabylyp, josparly-profilaktikalyq jumystar júrgiziledi. Osyǵan bailanysty, iaǵni jumystar júrgizilgen ýaqytta Qazaqstannyń barlyq aýmaǵynda teleradioarnany retransliatsiialaý ýaqytsha toqtatylady", - delingen habarlamada.
"Qazteleradio" AQ toqsan saiyn jerseriktik jáne efirlik jelilerdiń tehnikalyq quraldarynda servisterdi jaba otyryp, josparly-profilaktikalyq jumystar júrgizetinin aita keteiik.
"Bul jumystar teleradio habarlaryn sapaly taratýdy qamtamasyz etý úshin qajet, al toqsan saiynǵy josparly-profilaktikalyq jumystar servisti uzaq ýaqyt óshirýge múmkindik beredi, sondyqtan osy ýaqyt ishinde tehnikalyq quraldardy jańǵyrtý boiynsha qosymsha jumystar da júzege asyrylady. Ýaqytsha qolaisyzdyqtar úshin keshirim ótinemiz", - deidi ulttyq operator.
