تەلەراديو حابارلارىن تاراتۋ جەلٸلەرٸندە جوسپارلى-پروفيلاكتيكالىق جۇمىستار جٷرٸپ جاتىر. سول سەبەپتٸ بارلىق تەلەراديوارنانى رەترانسلياتسييالاۋ ۋاقىتشا توقتاتىلادى, - دەپ حابارلايدى "ۇلت اقپارات" "قازتەلەراديو" ۇلتتىق وپەراتورىنا سٸلتەمە جاساپ.
"تەلەراديو حابارلارىن تاراتۋ جەلٸلەرٸندە جوسپارلى-پروفيلاكتيكالىق جۇمىستار 2022 جىلدىڭ 20 سەۋٸرٸ ساعات 03:00 مەن 17:00 ارالىعىندا (نۇر-سۇلتان قالاسىنىڭ ۋاقىتىمەن) جەرسەرٸكتٸك, تسيفرلىق جەنە انالوگتى ەفيرلٸك جەلٸلەردٸڭ تەحنيكالىق قۇرالدارىنداعى سەرۆيستەر جابىلىپ, جوسپارلى-پروفيلاكتيكالىق جۇمىستار جٷرگٸزٸلەدٸ. وسىعان بايلانىستى, ياعني جۇمىستار جٷرگٸزٸلگەن ۋاقىتتا قازاقستاننىڭ بارلىق اۋماعىندا تەلەراديوارنانى رەترانسلياتسييالاۋ ۋاقىتشا توقتاتىلادى", - دەلٸنگەن حابارلامادا.
"قازتەلەراديو" اق توقسان سايىن جەرسەرٸكتٸك جەنە ەفيرلٸك جەلٸلەردٸڭ تەحنيكالىق قۇرالدارىندا سەرۆيستەردٸ جابا وتىرىپ, جوسپارلى-پروفيلاكتيكالىق جۇمىستار جٷرگٸزەتٸنٸن ايتا كەتەيٸك.
"بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ٷشٸن قاجەت, ال توقسان سايىنعى جوسپارلى-پروفيلاكتيكالىق جۇمىستار سەرۆيستٸ ۇزاق ۋاقىت ٶشٸرۋگە مٷمكٸندٸك بەرەدٸ, سوندىقتان وسى ۋاقىت ٸشٸندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جٷزەگە اسىرىلادى. ۋاقىتشا قولايسىزدىقتار ٷشٸن كەشٸرٸم ٶتٸنەمٸز", - دەيدٸ ۇلتتىق وپەراتور.
