Elimizdiń taýly aimaǵyn mekendeitin turǵyndar úshin tótenshe jaǵdailar ministri eskertý jasady, dep habarlaidy QazAqparat.
«Sońǵy ýaqytta elimiz boiynsha taýly aimaqtarda qalyń qardyń jaýýy baiqalady. Atap aitqanda, Túrkistan, Jambyl jáne Almaty oblysyna qatysty. Atalǵan óńirlerde qar kóshkini bolýy múmkin. Sondyqtan turǵyndarǵa saq bolý kerektigin aldyn ala eskertemiz. Osy oraida taýly aimaq turǵyndaryn demalys kúnderi taýǵa sapardan ýaqytsha bas tartaýyn suraimyz», - dedi QR Tótenshe jaǵdailar ministri Iýrii Ilin OKQ-de ótken baspasóz máslihatynda.
Ministrdiń aitýynsha, taýly aimaq turǵyndary úshin jergilikti organ tarapynan ýaqytyly habar jetkiziledi.
Odan bólek, Iu. Ilin sý tasqynynyń aldyn alý maqsatynda kórshi eldermen birlesken jumystyń qolǵa alynǵanyn aitty.
«Resei, Ózbekstan jáne Qyrǵyzstan elimen shekaralas ózenderdegi sý tasqyny jaǵdaiy týraly derektermen ózara almasý máselesi qaraldy. Jalpy el óńirlerindegi sý tasqynyna daiyndyq máselesi tótenshe jaǵdailardyń aldyn alý jáne joiý jónindegi vedomstvoaralyq komissiia men Úkimet otyrystarynda qaraldy», - deidi ol.
