Qazaqstanda 7 aida tamaq ónimderi óndirisiniń kólemi 4,1 paiyzǵa artty. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
Onyń atap ótýinshe, 7 aida tamaq ónimderi óndirisiniń kólemi 4,1 paiyzǵa artyp, 1 trln 64 mlrd teńgeni quraǵan. Bul rette óńdelgen kúrish óndirisiniń 72 myń tonnadan 122,4 myń tonnaǵa nemese 70 paiyzǵa ulǵaiyp otyr.
«Sondai-aq shujyq ónimderiniń óndirisi 21,5, jarma 11,8, makaron 8,1, sary mai 8, un 6,5, ósimdik maiy 4,9, qyshqyl sút ónimderi 4,7, irimshik pen súzbe 1,9 paiyzǵa artqany baiqalady», - dedi ol.
Ministrdiń dereginshe, aýyl sharýashylyǵyna salynǵan investitsiia 13,5 paiyzǵa ulǵaiyp, 261,2 mlrd teńgeni, tamaq ónimderi óndirisine salynǵan investitsiia 13,8 paiyzǵa artyp, 45,7 mlrd teńgeni qurady.
«Esepti kezeń qorytyndysy boiynsha oń serpin baiqalady. Bul rette salany damytý úshin josparlanǵan nátijelerge qol jetkizýge múmkindik beretin barlyq sharalar qabyldanady», - dedi Saparhan Omarov.
