قازاقستاندا 7 ايدا تاماق ٶنٸمدەرٸ ٶندٸرٸسٸنٸڭ كٶلەمٸ 4,1 پايىزعا ارتتى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى "ۇلت اقپارات".
ونىڭ اتاپ ٶتۋٸنشە, 7 ايدا تاماق ٶنٸمدەرٸ ٶندٸرٸسٸنٸڭ كٶلەمٸ 4,1 پايىزعا ارتىپ, 1 ترلن 64 ملرد تەڭگەنٸ قۇراعان. بۇل رەتتە ٶڭدەلگەن كٷرٸش ٶندٸرٸسٸنٸڭ 72 مىڭ توننادان 122,4 مىڭ تونناعا نەمەسە 70 پايىزعا ۇلعايىپ وتىر.
«سونداي-اق شۇجىق ٶنٸمدەرٸنٸڭ ٶندٸرٸسٸ 21,5, جارما 11,8, ماكارون 8,1, سارى ماي 8, ۇن 6,5, ٶسٸمدٸك مايى 4,9, قىشقىل سٷت ٶنٸمدەرٸ 4,7, ٸرٸمشٸك پەن سٷزبە 1,9 پايىزعا ارتقانى بايقالادى», - دەدٸ ول.
مينيستردٸڭ دەرەگٸنشە, اۋىل شارۋاشىلىعىنا سالىنعان ينۆەستيتسييا 13,5 پايىزعا ۇلعايىپ, 261,2 ملرد تەڭگەنٸ, تاماق ٶنٸمدەرٸ ٶندٸرٸسٸنە سالىنعان ينۆەستيتسييا 13,8 پايىزعا ارتىپ, 45,7 ملرد تەڭگەنٸ قۇرادى.
«ەسەپتٸ كەزەڭ قورىتىندىسى بويىنشا وڭ سەرپٸن بايقالادى. بۇل رەتتە سالانى دامىتۋ ٷشٸن جوسپارلانعان نەتيجەلەرگە قول جەتكٸزۋگە مٷمكٸندٸك بەرەتٸن بارلىق شارالار قابىلدانادى», - دەدٸ ساپارحان وماروۆ.
