Qazaqstanda taksi aqysynyń quny bir jylda 9 paiyzǵa qymbattady, al Jetisý oblysynda tipten 37 paiyzǵa deiin ósken, dep habarlaidy Ulysmedia.kz.
Taksi qyzmetiniń quny 1 shaqyrymǵa eseptegende 0,32 AQSh dollaryn qurady. Qazaqstan taksi qyzmetiniń arzandyǵy boiynsha 105 eldiń ishinde 12-shi orynda tur. TMD elderiniń arasynda Qazaqstanǵa qaraǵanda taksi qyzmetteri Ázerbaijan men Reseide qymbatyraq, Belarýs, Ózbekstan, Moldova jáne Armeniiada arzanyraq.
Osy jyldyń qańtar-tamyz ailarynda Qazaqstanda taksi qyzmetin kórsetetin kompaniialardyń tabysy 3 mlrd teńgeni qurady. Bir jyl buryn 2,8 mlrd teńge bolǵan edi.
Sektordaǵy eń joǵary kórsetkishter Qaraǵandy oblysynda (1,3 mlrd teńge) tirkelgen. Bir jylda 37,3%-ǵa artqan. Kóshbasshylar úshtigine elorda (728,7 mln tg, bir jylda 4,4%-ǵa azaiǵan) jáne Almaty (499,6 mln tg, bir jylda 27,1%-ǵa azaiǵan) kirdi. Eń az tabys Shyǵys Qazaqstan oblysynyń taksoparkterinde baiqaldy. Nebári 0,4 mln teńge tabys tapqan.
Jyl basynan beri 1,4 milliard jolaýshy taksi qyzmetin paidalanǵan. Bul ótken jylmen salystyrǵanda 6,1%-ǵa kóp. Jolaýshylar ainalymy bir jylda 8,7%-ǵa, 20,7 mlrd km-ge deiin ósti.
2022 jyldyń tamyz aiynyń qorytyndysy boiynsha taksi aqysynyń quny bir jylda 9 paiyzǵa ósken.
Óńirlik bóliniste Jetisý oblysynyń turǵyndary baǵanyń ósýin qatty sezingen. Munda taksi qyzmetiniń quny bir jylda 37,7%-ǵa artqan. Sondai-aq kóshbasshylarr úshtiginde Almaty jáne Abai oblystary bar. Onda taksi aqysynyń quny tiisinshe 28,1% jáne 21,2%-ǵa qymbattaǵan.
