Qazaqstanda koronavirýs indeti qaita órshidi. Ótken táýlikte elde koronavirýs derti zerthanada PTR ádisi arqyly rastalǵan (KVI+) 2 822 adam tirkeldi. Ásirese eki iri qala – Nur-Sultan men Almatyda aýrý juqtyrǵandar kóp. Keshe astanada – 653, Almatyda – 680 kisi Covid-pen esepke alyndy. Aimaqtar boiynsha dert juqtyrǵandar kórsetkishi boiynsha Almaty (248 adam), Qaraǵandy (205 adam), Aqtóbe (161 adam), Atyraý (119 adam), Batys Qazaqstan (114 adam) oblystary jáne Shymkent qalasy (121 adam) alda tur.
Sondai-aq, Aqmola oblysynda - 89, Mańǵystaý oblysynda - 76, Qyzylorda oblysynda - 75, Soltústik Qazaqstan oblysynda - 43, Jambyl oblysynda - 41, Pavlodar oblysynda - 35, Túrkistan oblysynda - 35, Qostanai oblysynda 29 adamnan COVID-19 infektsiiasy anyqtaldy.
Resmi derekke súiensek, byltyr naýryzda elge koronavirýs indeti kelgeli 284 173 adam koronavirýspen aýyrǵan.
15 sáýirde koronavirýs infektsiiasynyń belgileri bar pnevmoniiamen (KVI-) syrqat 68 adam tirkeldi. Tamyzdan bergi sanaq boiynsha, «kovid-tektes pnevmoniiamen» aýyrǵandar sany 50 550 adamǵa jetti.
Koronavirýs infektsiiasyn taratpaý jónindegi vedomstvoaralyq komissiia málimeti boiynsha, aldyńǵy táýlikte kovidten – 31 adam, soǵan uqsas pnevmoniiadan 6 adam qaitys boldy.
Qazaqstan densaýlyq saqtaý ministrliginiń deregi boiynsha, qazir elde 36 757 adam koronavirýs infektsiiasynan (36 292 KVI+ jáne 465 KVI-) emdelip jatyr, sonyń ishinde 12 933 patsient statsionarda, 23 824 naýqas ambýlatoriialyq deńgeide em qabyldaidy. Naýqastar arasynda
- 641 adamnyń jaǵdaiy aýyr;
- 159 patsienttiń jaǵdaiy óte aýyr;
- 107 naýqas ókpe jeldetkish apparatqa qosylǵan.
Ótken táýlikte elde 2 892 adam koronavirýstan emdelip shyqty.
