Premer-Ministr Álihan Smaiylovtyń tóraǵalyǵymen Úkimet úiinde Ekonomikany demonopolizatsiialaý jónindegi komissiianyń kezekti otyrysy ótti, dep habarlaidy "Ult aqparat" primeminister.kz saityna silteme jasap.
Talqylaýǵa ortalyq memlekettik organdardyń, Bas prokýratýranyń, Sybailas jemqorlyqqa qarsy qyzmettiń, Qarjylyq monitoring agenttiginiń, Básekelestikti qorǵaý jáne damytý agenttiginiń, «Samuryq-Qazyna» qorynyń jáne t. b. basshylary qatysty.
Komissiia músheleri temirjol infraqurylymynyń, jylý energetikalyq keshenniń keibir aktivterin, sondai-aq munai óńdeý zaýyttarynyń qyzmetimen bailanysty birqatar kásiporyndardy memleket menshigine berý máselelerin qarady.
Talqylaý qorytyndysy boiynsha Premer-Ministr komissiia qabyldaǵan sheshimderdi iske asyrý úshin barlyq qajetti zańdyq jáne uiymdastyrý sharalaryn pysyqtaýdy tapsyrdy.
