Qazaqstandaǵy «Capital Bank Kazakhstan» bank litsenziiasynan aiyryldy. Bul týraly Qarjy naryǵyn retteý jáne damytý agenttigi habarlady.
QR Qarjy naryǵyn retteý jáne damytý agenttigi Basqarmasynyń 2021 jylǵy 24 maýsymdaǵy № 74 qaýlysyna sáikes Capital Bank Kazakhstan» AQ-ty bank jáne ózge de operatsiialardy jáne baǵaly qaǵazdar naryǵynda qyzmetti júrgizýge berilgen litsenziiasynan aiyryldy.
Litsenziiadan aiyrý kúngi jaǵdai boiynsha Bank aktivteriniń mólsheri 38,5 mlrd teńgeni, nesie portfeli – 33,9 mlrd teńgeni qurady, onyń ishinde 30,4 mlrd teńge nemese Banktiń nesie portfeliniń 89,8%-y – 90 kúnnen astam merzimi ótken jumys istemeitin kreditter.
Banktiń ótimdi aktivteriniń mólsheri 149 mln teńgeni quraidy, bul rette oryndalmaǵan klienttik tólemderdiń kólemi 15,0 mlrd teńgeden asady. Prýdentsiialyq normativterdi oryndamaýyna bailanysty Agenttik Bankke qatysty 29 qadaǵalap den qoiý sharasyn qabyldap, 67 ákimshilik quqyq buzýshylyq týraly hattama jasady. 2020 jyly Bank aktsioneri Banktiń qarjylyq jaǵdaiyn jaqsartý jónindegi is-sharalar josparyn usyndy.
Kórsetilgen Jospardy oryndaý sheńberinde Agenttiktiń qatań baqylaýymen Bank 2020 jáne 2021 jyldary Banktiń depozitorlar aldyndaǵy 31 mlrd teńge somasyndaǵy mindettemelerin tómendetti.
Jospardy iske asyrý sheńberinde áleýmettik turǵydan mańyzdy mekemeler (mektepter men aýrýhanalar) aldyndaǵy mindettemeler tolyǵymen jáne kvazimemlekettik sektor aldyndaǵy mindettemelerdiń aitarlyqtai bóligi de óteldi. Alaida, Bank jáne onyń aktsioneri qabyldaǵan sharalar Banktiń qarjylyq jaǵdaiyn turaqtandyrýǵa ákelgen joq. Bank prýdentsiialyq normativterdi buzýdy jalǵastyrýda jáne Bank klientteri aldyndaǵy tólemder men aýdarymdar boiynsha mindettemelerin oryndamaidy. Bank salymshylarynyń, jeke tulǵalardyń 99%-nyń depozitteri «Qazaqstannyń depozitterge kepildik berý qory» AQ-tyń kepildigimen tolyq kólemde óteledi.
Agenttik Tóraǵasynyń 2021 jylǵy 24 maýsymdaǵy №206 buiryǵymen ýaqytsha ákimshilik taǵaiyndaldy, oǵan Banktiń barlyq basqarý organdarynyń ókilettikteri aýysty. Ýaqytsha ákimshilik Banktiń taratý komissiiasy taǵaiyndalǵanǵa deiin áreket etetin bolady.
Ýaqytsha ákimshiliktiń basshysy bolyp Agenttiktiń qyzmetkeri Sholpan Taishyqqyzy Toqseiitova taǵaiyndaldy. 2021 jylǵy 25 maýsymnan bastap QR zańnamasynda kózdelgen jaǵdailardy qospaǵanda, klientterdiń jáne Banktiń óziniń bank shottary boiynsha barlyq operatsiialar toqtatyldy.
Agenttik zańnamada belgilengen tártippen sotqa Banktiń qyzmetin májbúrlep toqtatý (taratý) týraly ótinishpen júginedi. Sot Bankti májbúrlep taratý týraly is qozǵaǵan kúnnen bastap Bankti ustaýǵa arnalǵan aǵymdaǵy shyǵystarmen bailanysty talaptardy jáne Qazaqstan Respýblikasynyń zańnamasynda belgilengen ózge de jaǵdailardy qospaǵanda, kreditorlardyń Bankke talaptary taratý óndirisinde ǵana qoiyla alady.
Barlyq qyzyǵýshylyq tanytqan suraqtar boiynsha «Capital Bank Kazakhstan» AQ-tyń ýaqytsha ákimshiligine +7 (727) 331 66 77 telefony arqyly habarlasýǵa bolady.
