قازاقستانداعى «Capital Bank Kazakhstan» بانك ليتسەنزيياسىنان ايىرىلدى. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸ حابارلادى.
قر قارجى نارىعىن رەتتەۋ جەنە دامىتۋ اگەنتتٸگٸ باسقارماسىنىڭ 2021 جىلعى 24 ماۋسىمداعى № 74 قاۋلىسىنا سەيكەس Capital Bank Kazakhstan» اق-تى بانك جەنە ٶزگە دە وپەراتسييالاردى جەنە باعالى قاعازدار نارىعىندا قىزمەتتٸ جٷرگٸزۋگە بەرٸلگەن ليتسەنزيياسىنان ايىرىلدى.
ليتسەنزييادان ايىرۋ كٷنگٸ جاعداي بويىنشا بانك اكتيۆتەرٸنٸڭ مٶلشەرٸ 38,5 ملرد تەڭگەنٸ, نەسيە پورتفەلٸ – 33,9 ملرد تەڭگەنٸ قۇرادى, ونىڭ ٸشٸندە 30,4 ملرد تەڭگە نەمەسە بانكتٸڭ نەسيە پورتفەلٸنٸڭ 89,8%-ى – 90 كٷننەن استام مەرزٸمٸ ٶتكەن جۇمىس ٸستەمەيتٸن كرەديتتەر.
بانكتٸڭ ٶتٸمدٸ اكتيۆتەرٸنٸڭ مٶلشەرٸ 149 ملن تەڭگەنٸ قۇرايدى, بۇل رەتتە ورىندالماعان كليەنتتٸك تٶلەمدەردٸڭ كٶلەمٸ 15,0 ملرد تەڭگەدەن اسادى. پرۋدەنتسييالىق نورماتيۆتەردٸ ورىنداماۋىنا بايلانىستى اگەنتتٸك بانككە قاتىستى 29 قاداعالاپ دەن قويۋ شاراسىن قابىلداپ, 67 ەكٸمشٸلٸك قۇقىق بۇزۋشىلىق تۋرالى حاتتاما جاسادى. 2020 جىلى بانك اكتسيونەرٸ بانكتٸڭ قارجىلىق جاعدايىن جاقسارتۋ جٶنٸندەگٸ ٸس-شارالار جوسپارىن ۇسىندى.
كٶرسەتٸلگەن جوسپاردى ورىنداۋ شەڭبەرٸندە اگەنتتٸكتٸڭ قاتاڭ باقىلاۋىمەن بانك 2020 جەنە 2021 جىلدارى بانكتٸڭ دەپوزيتورلار الدىنداعى 31 ملرد تەڭگە سوماسىنداعى مٸندەتتەمەلەرٸن تٶمەندەتتٸ.
جوسپاردى ٸسكە اسىرۋ شەڭبەرٸندە ەلەۋمەتتٸك تۇرعىدان ماڭىزدى مەكەمەلەر (مەكتەپتەر مەن اۋرۋحانالار) الدىنداعى مٸندەتتەمەلەر تولىعىمەن جەنە كۆازيمەملەكەتتٸك سەكتور الدىنداعى مٸندەتتەمەلەردٸڭ ايتارلىقتاي بٶلٸگٸ دە ٶتەلدٸ. الايدا, بانك جەنە ونىڭ اكتسيونەرٸ قابىلداعان شارالار بانكتٸڭ قارجىلىق جاعدايىن تۇراقتاندىرۋعا ەكەلگەن جوق. بانك پرۋدەنتسييالىق نورماتيۆتەردٸ بۇزۋدى جالعاستىرۋدا جەنە بانك كليەنتتەرٸ الدىنداعى تٶلەمدەر مەن اۋدارىمدار بويىنشا مٸندەتتەمەلەرٸن ورىندامايدى. بانك سالىمشىلارىنىڭ, جەكە تۇلعالاردىڭ 99%-نىڭ دەپوزيتتەرٸ «قازاقستاننىڭ دەپوزيتتەرگە كەپٸلدٸك بەرۋ قورى» اق-تىڭ كەپٸلدٸگٸمەن تولىق كٶلەمدە ٶتەلەدٸ.
اگەنتتٸك تٶراعاسىنىڭ 2021 جىلعى 24 ماۋسىمداعى №206 بۇيرىعىمەن ۋاقىتشا ەكٸمشٸلٸك تاعايىندالدى, وعان بانكتٸڭ بارلىق باسقارۋ ورگاندارىنىڭ ٶكٸلەتتٸكتەرٸ اۋىستى. ۋاقىتشا ەكٸمشٸلٸك بانكتٸڭ تاراتۋ كوميسسيياسى تاعايىندالعانعا دەيٸن ەرەكەت ەتەتٸن بولادى.
ۋاقىتشا ەكٸمشٸلٸكتٸڭ باسشىسى بولىپ اگەنتتٸكتٸڭ قىزمەتكەرٸ شولپان تايشىققىزى توقسەيٸتوۆا تاعايىندالدى. 2021 جىلعى 25 ماۋسىمنان باستاپ قر زاڭناماسىندا كٶزدەلگەن جاعدايلاردى قوسپاعاندا, كليەنتتەردٸڭ جەنە بانكتٸڭ ٶزٸنٸڭ بانك شوتتارى بويىنشا بارلىق وپەراتسييالار توقتاتىلدى.
اگەنتتٸك زاڭنامادا بەلگٸلەنگەن تەرتٸپپەن سوتقا بانكتٸڭ قىزمەتٸن مەجبٷرلەپ توقتاتۋ (تاراتۋ) تۋرالى ٶتٸنٸشپەن جٷگٸنەدٸ. سوت بانكتٸ مەجبٷرلەپ تاراتۋ تۋرالى ٸس قوزعاعان كٷننەن باستاپ بانكتٸ ۇستاۋعا ارنالعان اعىمداعى شىعىستارمەن بايلانىستى تالاپتاردى جەنە قازاقستان رەسپۋبليكاسىنىڭ زاڭناماسىندا بەلگٸلەنگەن ٶزگە دە جاعدايلاردى قوسپاعاندا, كرەديتورلاردىڭ بانككە تالاپتارى تاراتۋ ٶندٸرٸسٸندە عانا قويىلا الادى.
بارلىق قىزىعۋشىلىق تانىتقان سۇراقتار بويىنشا «Capital Bank Kazakhstan» اق-تىڭ ۋاقىتشا ەكٸمشٸلٸگٸنە +7 (727) 331 66 77 تەلەفونى ارقىلى حابارلاسۋعا بولادى.
