Seisenbi kúni 2 696 adamnan koronavirýs infektsiiasy anyqtaldy. Barlyǵynyń koronavirýs testi oń shyqqan. Bul týraly densaýlyq saqtaý ministrligi habarlady. Vedomstvo koronavirýs pnevmoniiasy men adam ólimine qatysty eki kún burynǵy málimetti jariialap júr. 19 sáýirde 135 adamnan koronavirýs pnevmoniiasy anyqtalǵan. 26 adam qaitys bolǵan: 23 adamnyń ólimine – koronavirýs, 3 adam ólimine koronavirýs pnevmoniiasy sebep boldy dep aitylady.
Ótken táýlikte Almatyda 667 naýqas tirkelgen. Bul respýblikadaǵy eń joǵary kórsetkish. Nur-Sultanda – 471, Almaty oblysynda – 281, Batys Qazaqstan oblysynda – 231, Qaraǵandy oblysynda – 218, Aqtóbe oblysynda – 125, Atyraý oblysynda 114 adamnan koronavirýs infektsiiasy tabylǵan.
Sondai-aq, Shymkent qalasynda - 80, Aqmola oblysynda - 92, Shyǵys Qazaqstan oblysynda - 83, Jambyl oblysynda - 58, Qostanai oblysynda - 32, Qyzylorda oblysynda - 47, Mańǵystaý oblysynda - 65, Pavlodar oblysynda - 47, Soltústik Qazaqstan oblysynda - 29, Túrkistan oblysynda 56 adamnan koronavirýs anyqtaldy.
21 sáýirdegi málimet boiynsha, 39 318 adam koronavirýs infektsiiasynan (38 889 KVI+ jáne 429 KVI-) emdelip jatyr. Olardyń ishinde 13 756 patsient statsionarda, 25 572 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 671 adamnyń jaǵdaiy aýyr;
• 185 patsienttiń jaǵdaiy óte aýyr;
• 101 naýqas ÓJJ apparatynda jatyr.
2020 jyldyń naýryz aiynan beri 294 946 adamnyń koronavirýs testi oń shyqqan. Sodan beri 3 459 adam qaitys bolǵan. Koronavirýs infektsiiasy anyqtalǵan, biraq ólimine "basqa aýrý sebep boldy" delingen myńǵa jýyq adam ólimi bul statistikaǵa enbegen.
Densaýlyq saqtaý ministrligi 1 tamyzdan bastap Covid juqtyrǵany PTR ádisimen rastalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń esebin júrgizip keledi. 1 tamyz ben 19 sáýir aralyǵynda 52 025 adamǵa koronavirýs pnevmoniiasy diagnozy qoiylǵan. 757-i qaitys bolǵan.
Densaýlyq saqtaý ministrliginiń málimetinshe, 766 614 adam (halyqtyń 4 paiyzdan astamy) koronavirýsqa qarsy vaktsinanyń birinshi dozasyn alǵan.
Sonymen qatar, keiingi táýlikte 2418 adam koronavirýstan aiyǵyp shyqty.
Aimaqtar boiynsha: Nur-Sultan qalasy - 455, Almaty qalasy - 680, Shymkent qalasy - 26, Aqmola oblysy - 93, Aqtóbe oblysy - 142, Almaty oblysy - 223, Atyraý oblysy - 102, Shyǵys Qazaqstan oblysy - 63, Batys Qazaqstan oblysy - 150, Qaraǵandy oblysy - 153, Qostanai oblysy - 132, Qyzylorda oblysy - 44, Mańǵystaý oblysy - 52, Pavlodar oblysy - 55, Soltústik Qazaqstan oblysy - 32, Túrkistan oblysy - 16.
Qazaqstan boiynsha aýrýdan aiyqqandar sany - 252 598.
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 142 mln adamnan asty. 3 millionnan astamy qaitys bolǵan.
