Qazaqstanda taǵy 1492 adamnyń koronavirýs testi oń shyqty. 22 adamǵa koronavirýs pnevmoniiasy diagnozy qoiyldy. Densaýlyq saqtaý ministrliginiń 29 naýryz kúngi habarlamasynda osyndai málimet kórsetilgen. Bir kúnde 22 adam ólimi tirkelgen: 20 adam – koronavirýstan, 2 adam koronavirýs pnevmoniiasynan qaitys boldy dep aitylady. (Ministrlik adam ólimi men koronavirýs pnevmoniiasy kórsetkishin jariialaǵan kezde eki kún burynǵy málimetti aitady, naqty jaǵdaida - 27 naýryz kúngi málimet).
28 naýryzda eń kóp naýqas Almaty qalasynda tirkelgen. Jalpy aimaqtaǵy ahýal tómendegidei:
- Almaty qalasynda - 33012 (+415 naýqas jańadan qosyldy)
- Nur-Sultan qalasynda – 30034 (+346)
- Shyǵys Qazaqstan oblysynda - 22800 (+38)
- Pavlodar oblysynda - 19060 (+46)
- Atyraý oblysynda - 18514 (+75)
- Qaraǵandy oblysynda - 17471 (+88)
- Aqmola oblysynda – 15239 (+52)
- Batys Qazaqstan oblysynda – 14876 (+94)
- Qostanai oblysynda - 13709 (+39)
- Soltústik Qazaqstan oblysynda - 13001 (+21)
- Almaty oblysynda - 13110 (+120)
- Shymkent qalasynda -6745 (+45)
- Jambyl oblysynda – 6348 (+19)
- Aqtóbe oblysynda - 5081 (+61)
- Túrkistan oblysynda – 4470 (+10)
- Mańǵystaý oblysynda - 4396 (+10)
- Qyzylorda oblysynda - 4007 (+13).
2020 jyldyń naýryz aiynan beri 241 873 adamnyń koronavirýs testi oń shyqqan. Basym bóligi jazylǵan. Sodan beri 3014 adam qaitys bolǵan.
Qazaqstan biligi 2020 jyldyń 1 tamyzynan beri koronavirýs pnevmoniiasyna shaldyqqandardy bólek eseptep keledi. Biraq oǵan deiin qansha adamnyń koronavirýsqa uqsas pnevmoniiaǵa shaldyqqany belgisiz. Densaýlyq saqtaý ministrligi olardy pnevmoniianyń jalpy túrinen ajyratý qiyn bolǵanyn aitqan.
Sodan beri 50 433 adam koronavirýs pnevmoniiasyna shaldyqqan, 682 adam qaitys bolǵan.
Qazir 23 797 adam koronavirýstan emdelip jatyr. 351 naýqastyń jaǵdaiy – aýyr, 79 patsienttiń háli – óte aýyr, 43 adam jasandy tynys apparatyna qosylǵan.
Amerikalyq Djons Hopkins ýniversitetiniń málimeti boiynsha, indet bastalǵaly beri álemde 127 mln adamǵa koronavirýs juqqan. 2 mln 783 myń adam qaitys bolǵan. 72 mln adam jazylǵan.
