Qazaqstanda janarmai quiý beketterinde kólikterge arnalǵan suiytylǵan munai gazyn bólshek saýdada ótkizýge ýaqytsha memlekettik baǵa retteýi engizildi, - dep habarlaidy Tengrinews.kz agenttigi.
Janarmai baǵasy QR Básekelestikti qorǵaý jáne damytý agenttigi jariialaǵan "Qazaqstan Respýblikasynyń aýmaǵynda avtogaz quiý stantsiialarynda avtokólikke janarmai quiý úshin suiytylǵan munai gazyn bólshek saýdada ótkizýge ýaqytsha memlekettik baǵa retteýdi engizý týraly" buiryqta kórsetilgen.
Qujatqa sáikes, janarmai quiý stantsiialarynda suiytylǵan munai gazyn bólshek saýdada ótkizýdiń shekti baǵalary aimaqqa bailanysty litrine 50 teńgeden 75 teńgege deiin bektilgen:
- Nur-Sultan – litrine 70 teńge;
- Almaty – litrine 65 teńge;
- Aqtóbe, Atyraý, Mańǵystaý oblystarynda litrine 50-55 teńge;
- Aqmola, Almaty, Qostanai, Qaraǵandy, Pavlodar, Soltústik Qazaqstan, Jetisý jáne Ulytaý oblystarynda litrine 70-75 teńge;
- Shyǵys Qazaqstan, Batys Qazaqstan, Jambyl, Qyzylorda, Túrkistan jáne Abai oblystarynda litri 60-65 teńgeden.
Buiryq 2022 jylǵy 6 shildeden 2023 jylǵy 1 qańtarǵa deiin jaramdy.
Belgilengen shekti baǵadan asyp ketken jaǵdaida janar-jaǵarmai quiý stantsiialaryna uiǵarym berilip, oryndalmaǵan jaǵdaida ákimshilik jaýapkershilikke tartylady.
